Dark Feet Home Remedy : ‘या’ घरगुती उपायांनी सहज निघेल टॅनिंग, पाय होतील कोमल आणि चमकदार
काळसर, टॅन झालेल्या पायांमुळे तुम्हालाही त्रास होतो का ? हे टॅनिंग दूर करून, पाय स्वच्छ करण्यासाठी घरच्या घरी काही उपाय करता येऊ शकतात.
-
-
अनेकदा असं होतं की, आपण आपल्या चेहऱ्याची खूप चांगली काळजी घेतो. सनस्क्रीनपासून ते चांगल्या फेसवॉश, स्क्रब आणि फेस पॅकपर्यंत आपण उत्तम वस्तू वापरतो. पण तेवढीच काळजी आपल्या पायांची घेतली जात नाही, त्यामुळे ते काळसर होतात. पायांचे टॅनिंग घालवून ते स्वच्छ करण्यासाठी घरच्या घरी काही उपाय केले तर ते फायदेशीर ठरू शकतात. (Photo : Freepik)
-
-
एक्सफोलिएट करा : आपले पाय नियमितपणे सौम्य साबण आणि कोमट पाण्याने स्वच्छ करा. पायांची त्वचा एक्सफोलिएट करण्यासाठी आणि त्वचेच्या मृत पेशी काढून टाकण्यासाठी सौम्य स्क्रब किंवा प्युमिस स्टोन वापरू शकता.
-
-
लिंबाचा रस आणि बेकिंग सोडा : लिंबाचा रस आणि बेकिंग सोडा समान प्रमाणात घेऊन त्याची पेस्ट बनवा. हे मिश्रण काळ्या झालेल्या भागावर लाऊन ठेवावे, वाळल्यानंतर पाय स्वच्छ धुवा.
-
-
कोरफड जेल : कोरफडीचा ताजा रस किंवा जेल पायांना लावून मसाज करा. यामुळे पाय मऊ होतात आणि त्वचा उजळते. तसेच तुम्ही काकडीचा रसही पायाला लाऊ शकता.
-
-
हळद आणि दह्याचा मास्क : हळद पावडर आणि दही मिसळून पेस्ट बनवा. ही पेस्ट पायावर लावून 10-15 मिनिटांनी धुवून टाका. नियमित वापराने फरक पडेल.
-
-
सनस्क्रीन लावा : सतत बाहेर गेल्याने, पाय उन्हाच्या संपर्कात येत असतील तर चांगले एसपीएफ असलेले सनस्क्रीन लावावे. यामुळे भविष्यातील टॅनिंग रोखता येते.