निळ्या ड्रमनंतर आता ‘सुटकेस मर्डर’, बायकोने बॉयफ्रेंडसाठी काढला पतीचा काटा!
उत्तर प्रदेशमधील निळा ड्रम आणि हत्या प्रकरण चर्चेत असताना आत आणखी एक धक्कादायक प्रकार समोर आला आहे. उत्तर प्रदेशमधील देवरिया येथील एका महिलेने आपल्या बॉयफ्रेंडच्या साथीने आपल्याच पतीची हत्या केली आहे. ही हत्या करून त्या महिलाने आपल्या पतीचा मृतदेह सुटकेसमध्ये कोंबून शेतात फेकून दिल्याचा प्रकार समोर आला आहे. विशेष म्हणजे ही सुटकेस महिलेच्या पतीनेच गिफ्ट केली होती.
मिळालेल्या माहितीनुसार आरोपी महिलेचे नाव रझिया सुल्तान असे आहे. तर मृत व्यक्तीचे नाव नौशाद असे आहे. नौशाद हा दुबईत नोकरी करायचा. तो नुकतेच आपल्या घरी आला होता.
नौशाद दुबईत असताना रझिया सुल्तान एका तरुणाच्या प्रेमात पडली होती. आता मात्र नौशाद घरी आल्यामुळे रझियाला तिच्या बॉयफ्रेंडशी भेटताना अडचणी येऊ लागल्या. याच रागातून तिने नौशादचा खून केला. तसेच मृतदेह सुटकेसमध्ये भरून तो शेतात फेकून दिला.
दरम्यान मिळालेल्या माहितीनुसार आरोपी पत्नी रजिया सुल्तानने आपला गुन्हा कबुल केला आहे. पोलिसांनी तिला ताब्यात घेतले आहे. रझियाचे तिच्या रोमान नावाच्या भाच्याशीच प्रेमसंबंध होते, असे पोलिसांच्या तपासात समोर आले आहे. रोमानच्या सल्ल्यानुसारच रझियाने नौशदची हत्या केली. अगोदर तिने नौशादवर चाकूने वार केले. त्यानंतर नौशादचा मृतदेह सुटकेसमध्ये भरून तो फेकून दिला.
सध्या रोमान हा फरार आहे. या खुनासाठी रोमानच्या हिमांशू नावाच्या मित्रानेही मदत केल्याचा आरोप आहे. पोलीस या दोघांचाही शोध घेत आहेत.
