Marathi News Photo gallery Vaibhav Tatwawadi grandmother passes away actor wrote emotional post It is hard to say goodbye with tears in my eyes
Vaibhav Tatwawadi: पाणावलेल्या डोळ्यांनी तुला निरोप देणं..; वैभव तत्त्ववादीच्या अत्यंत जवळच्या व्यक्तीचं निधन
Vaibhav Tatwawadi: अभिनेता वैभव तत्त्ववादीच्या आजीचं निधन झालं असून सोशल मीडियावर त्याने अत्यंत भावूक पोस्ट लिहिली आहे. नि:स्वार्थ प्रेमाचा खरा अर्थ तू मला समजावून दिलास, अशा शब्दांत त्याने भावना व्यक्त केल्या आहेत.
मराठी अभिनेता वैभव तत्त्ववादीच्या आजीचं निधन झालं असून सोशल मीडियावर त्याने अत्यंत भावुक पोस्ट लिहिली आहे. आजीसोबतच्या आठवणींना उजाळा देताना वैभवने तिच्या प्रेमळ स्वभावाचं आणि कुटुंबाशी असलेल्या नात्याचं वर्णन केलं. वैभवचं त्याच्या आजीसोबत खूप जवळचं नातं होतं.
1 / 6
वैभवने त्याच्या पोस्टची सुरुवात आजीला प्रेमळ शब्दांत श्रद्धांजली वाहून केली. नागपूरला विमानातून उतरताना पहिल्यांदाच मन खूप जड झाल्याचंही त्याने सांगितलं. आजीने व्हिडीओ कॉलदरम्यान ज्या पद्धतीने त्याला निरोप दिला, त्यातून तिचा शेवट जवळ आल्याची जाणीव झाल्याचं वैभवने लिहिलं. मात्र, ही गोष्ट स्वीकारणं त्याच्यासाठी अत्यंत कठीण होतं.
2 / 6
वैभवच्या आजीचा सोशल मीडियावरही अनेकांशी अप्रत्यक्षपणे संबंध आला होता. 'तुझी आजी खूप क्यूट आहे,' अशा अनेक कमेंट्स आणि मेसेजेस त्याला मिळायचे. विशेष म्हणजे, आजीलाही हे मेसेज वाचायला खूप आवडायचे, असं वैभवने सांगितलं. तिच्या प्रेमळ व्यक्तिमत्त्वामुळे ती सोशल मीडियावर ओळख नसतानाही अनेकांच्या मनात स्थान निर्माण करू शकली होती.
3 / 6
आजीच्या स्वभावाचं वर्णन करताना वैभवने लिहिलं की, ती एखाद्या खोलीत प्रवेश करताच तिथल्या प्रत्येक व्यक्तीला आपलंसं करून घ्यायची. तिच्या या गुणामुळे आपण नेहमीच प्रभावित झालो होतो, असं त्याने म्हटलं. 'तुझ्यासारखी आजी मला मिळाली, हे माझं भाग्य आहे,' अशा भावना त्याने व्यक्त केल्या.
4 / 6
यासोबतच वैभवने त्याच्या आई-वडिलांचंही कौतुक केलं. गेल्या दोन वर्षांपासून त्यांनी नागपूर सोडलं नाही. वैभवच्या चित्रपटांच्या प्रीमिअरलाही ते उपस्थित राहू शकले नाहीत, कारण आजीला एकटं सोडण्याची त्यांची इच्छा नव्हती. नर्स आणि घरातील मदतनीस असतानाही त्यांनी आजीची साथ सोडली नाही.
5 / 6
आजीच्या शेवटच्या क्षणी आई तिच्या बाजूला होती आणि भगवद्गीतेचे श्लोक म्हणत होती, असंही वैभवने भावूकपणे सांगितलं. अखेरच्या निरोपावेळी डोळ्यांत अश्रू असल्याचं सांगत त्याने आजीचे आभार मानले आणि 'नि:स्वार्थ प्रेमाचा खरा अर्थ तू मला समजावून दिलास,' अशी हृदयस्पर्शी भावना व्यक्त केली.
