Sohail Khan: सोहैल खानला झालंय तरी काय? नव्या फोटोने पुन्हा चर्चा
Sohail Khan: सोहैल खानचा हा फोटो सोशल मीडियावर व्हायरल होत असून या फोटोमधील त्याच्या लूकवरून नेटकरी विविध प्रतिक्रिया देत आहेत. सोहैल खानला नेमकं झालंय तरी काय, असा सवाल चाहत्यांनी केला आहे.
'अलायन्स' हा शो संपल्यानंतर अभिनेता सोहैल खानने संपूर्ण टीमसाठी एका पार्टीचं आयोजन केलं होतं. याच पार्टीमधील सोहैलचा एक फोटो सोशल मीडियावर चर्चेत आला आहे. एका इन्फ्लुएन्सरने सोहैलसोबतचा पार्टीमधील हा फोटो शेअर केला असून त्यावर नेटकरी विविध प्रतिक्रिया देत आहेत.
हा फोटो पाहून सोहैल खानला नेमकं झालंय तरी काय, असा प्रश्न नेटकऱ्यांनी विचारला आहे. सलमान खानप्रमाणेच सोहैलसुद्धा त्याच्या फिटनेससाठी ओळखला जायचा. मात्र 56 वर्षीय सोहैलची अशी अवस्था पाहून नेटकरी चकीत झाले आहेत.
'एनाबॉलिक्स स्टेरॉइड्सचं साइड इफेक्ट्स असेल किंवा दारूमुळे त्याची अशी अवस्था झाली असेल', असं एकाने लिहिलं आहे. तर 'म्हातारा माणूस म्हाताराच दिसेल ना', असं दुसऱ्याने म्हटलंय. 'ओझेम्पिकच्या ओव्हरडोसचा हा परिणाम असेल', अशाही प्रतिक्रिया नेटकरी देत आहेत.
'अलायन्स' या शोमध्ये जेव्हा भाऊ सलमान खान पोहोचला होता, तेव्हा सोहैलने त्याला वजन कमी केल्याचंही सांगितलं. मी 12 किलो वजन कमी केलंय, असं तो सलमानला म्हणाला. त्यामुळे वजन कमी केल्याने सोहैल खान असा दिसत असावा, असाही अंदाज काहींनी वर्तवला आहे.
'अलायन्स' या शोमध्ये सोहैल खानला खूप पसंती मिळाली. या शोमध्ये त्याची पूर्व पत्नी सीमा सजदेहसुद्धा स्पर्धक होती. घटस्फोटानंतरही या दोघांमधील मैत्री कायम असून शोमध्येही दोघं एकमेकांसोबत समजूतदारपणे वागताना दिसले.
