धीरुभाई अंबानी इंटरनॅशनल स्कूलमध्ये शिकवणाऱ्या शिक्षकांना किती मिळतो पगार?
धीरुभाई अंबानी इंटरनॅशनल स्कूलचा वार्षिक स्नेहसंमेलनाचा कार्यक्रम जेव्हा पार पडला, तेव्हा तिथे उपस्थित असलेल्या बॉलिवूड कलाकारांनी सर्वांचं लक्ष वेधलं. बॉलिवूडमधील अनेक सेलिब्रिटींची मुलं या शाळेत शिकतात. या शाळेतील शिक्षकांना किती पगार मिळत असेल?
धीरुभाई अंबानी इंटरनॅशनल स्कूर ही देशातल्या सर्वांत नामवंत शाळांपैकी एक आहे. मुकेश अंबानी यांच्या पत्नी नीता अंबानी या शाळेच्या संस्थापिका आहेत.
अंबानींच्या शाळेत बॉलिवूडमधील बऱ्याच कलाकारांची मुलं शिक्षण घेतात. शाहरुख खानचा मुलगा अबराम ते ऐश्वर्या राय बच्चनची मुलगी आराध्या असे अनेक स्टारकिड्स या शाळेत शिकतात.
इतकंच नव्हे तर निर्माता-दिग्दर्शक करण जोहरचा मुलगा यश आणि मुलगी रुही हेसुद्धा याच शाळेत शिकतात. अभिनेता शाहिद कपूर, करीना कपूर, क्रिकेटर रोहित शर्मा यांची मुलंही अंबानींच्या शाळेत शिक्षण घेतात.
बॉलिवूडमधील इतक्या सेलिब्रिटींची मुलं या शाळेत शिक्षण घेत असतील तर शाळेची फी किती असेल, असा प्रश्न अनेकांना पडला असेल. या शाळेत शिकण्यासाठी महिन्याला जवळपास लाख ते दीड लाख रुपये शिक्षणावर खर्च करावा लागेल, अशी माहिती समोर येत आहे.
मुलांना इतकी तगडी फी भरावी लागत असेल तर तिथल्या शिक्षकांना किती पगार मिळत असेल? या शाळेत शिकवण्यासाठी त्यांची पात्रता किती असावी लागले, या प्रश्नांचीही उत्तरं जाणून घेऊयात..
धीरुभाई अंबानी इंटरनॅशनल स्कूलमध्ये शिकणाऱ्या शिक्षकांनी बी-एडची पदवी संपादित केलेली हवी. मात्र या शाळेत 'फ्रेशर' शिक्षकांना नोकरी मिळू शकत नाही. कारण पाच वर्षांचा अनुभव असलेले शिक्षकच या शाळेत नोकरीसाठी अर्ज करू शकतात.
स्टारकिड्सनी भरलेल्या या शाळेत शिकवण्यासाठी शिक्षकांना अनुभवानुसार दोन ते सात लाख रुपयांदरम्यान पगार मिळतो. इथल्या शिक्षकांना शालेय शिक्षणासोबतच इतर गोष्टीही विद्यार्थ्यांना शिकवाव्या लागतात. यासाठी त्यांना अधिक क्लासेस घ्यावे लागतात.
या शाळेचा वार्षिक स्नेहसंमेलनाचा कार्यक्रम नुकताच पार पडला होता. या कार्यक्रमाला अमिताभ बच्चन, ऐश्वर्या राय, अभिषेक बच्चन, शाहरुख खान, करण जोहर, करीना कपूर, शाहिद कपूर, रोहित शर्मा यांसारखे सेलिब्रिटी उपस्थित होते.
