तुकाराम मुंढे यांचा महिन्याचा पगार किती? कोणकोणत्या मिळतात सुविधा?
गेल्या अनेक दिवसांपासून तुकाराम मुंढे यांचं नाव प्रचंड चर्चेत आहे. मात्र, तुकाराम मुंढे यांचा महिन्याचा पगार किती मिळतो हे कोणालाच माहिती नाही. जाणून घ्या सविस्तर
महाराष्ट्रातील धडाकेबाज आणि कर्तव्यनिष्ठ अधिकारी म्हणून तुकाराम मुंढे यांचं नाव नेहमीच चर्चेत आहे. त्यांच्या कठोर कारवाईमुळे आणि शिस्तप्रिय कार्यपद्धतीमुळे त्यांनी सर्वसामान्यांच्या मनात वेगळी ओळख निर्माण केली आहे.
त्यांच्या लोकप्रियतेची झलक यंदाच्या वारीतही पाहायला मिळाली होती. वारकऱ्यांकडून तुकाराम मुंढे यांचं कौतुक करणारे फोटो आणि पोस्टर्स झळकले होते. साध्या शेतकरी कुटुंबातून आलेल्या मुंढे यांनी आपल्या मेहनतीच्या जोरावर भारतीय प्रशासकीय सेवेत स्थान मिळवलं.
त्यांच्या कारकिर्दीत जिल्हाधिकारी, आयुक्त आणि सचिव अशा विविध महत्त्वाच्या पदांवर त्यांनी काम केलं आहे. त्यांच्या स्पष्ट आणि कठोर निर्णयांमुळे अनेकदा सत्ताधाऱ्यांची नाराजी ओढवली. गेल्या काही वर्षांत त्यांच्या अनेक बदल्या झाल्या आहेत.
मात्र, बदली झाली तरी त्यांच्या कामातील शिस्त आणि कार्यपद्धतीमध्ये फारसा फरक पडला नाही. त्यांच्या प्रामाणिक आणि कडक भूमिकेमुळे ते सर्वसामान्यांमध्ये लोकप्रिय अधिकारी म्हणून ओळखले जातात. पण तुम्हाला माहिती आहे का की तुकाराम मुंढे यांचा महिन्याला पगार किती आहे?
तुकाराम मुंढे यांच्या वैयक्तिक पगाराची अधिकृत माहिती सार्वजनिकरित्या उपलब्ध नसल्याने त्यांचा नेमका मासिक पगार सांगता येत नाही. मात्र, IAS अधिकाऱ्यांचा सातव्या वेतन आयोगानुसार वरिष्ठ पदांवरील अधिकाऱ्यांना मूलभूत वेतनासोबत महागाई भत्ता आणि इतर भत्ते मिळतात. हे सर्व मिळून त्यांचा पगार हा दोन ते अडीच लाखांमध्ये असू शकतो असे सांगितले जाते.
