पाकिस्तानी लोक कोणत्या प्राण्याचे मांस खाणे पसंत करतात?
Pakistan Popular Meat : पाकिस्तानातील जवळपास सर्वच लोक मांसाहारी आहेत. पाकिस्तानी लोकांच्या दररोजच्या आहारात मांसाहारी पदार्थांचा समावेश असतो. आज आपण कोणत्या प्राण्याचे मांस सर्वात जास्त खाल्ले जाते याची माहिती जाणून घेणार आहोत.
चिकन : पाकिस्तानमध्ये चिकन हे सर्वात जास्त खाल्ले जाणारे मांस आहे. कारण चिकनची किंमत बीफ आणि मटनापेक्षा कमी आहे. त्यामुळे संपूर्ण पाकिस्तानात चिकन लोकप्रिया आहे.
पोल्ट्री फार्मिंगमुळे चिकनची उपलब्धता शहरांमध्ये आणि ग्रामीण भागांमध्ये मोठ्या प्रमाणात आहे. तसेच चिकन हे सर्वसामान्य जनतेला परवडणारे आहे, त्यामुळे पाकिस्तानात चिकन सर्वाधिक खाल्ले जाते.
बीफ : बीफ हे चिकननंतर सर्वाधिक खाल्ले जाणारे मांस आहे. अनेक पारंपरिक आणि सणासुदीच्या पदार्थांमध्ये याचा वापर होतो. बीफमध्ये प्रोटीनचे प्रमाण जास्त असल्यामुळे ते शरीरासाठी पौष्टिक मानले जाते.
बीफचा वापर बिर्याणी, कबाब, निहारी यांसारख्या अनेक पारंपारिक आणि मुघल-प्रेरित पाककृतींमध्ये मोठ्या प्रमाणावर केला जातो. त्यामुळे बीफही पाकिस्तानात लोकप्रिय आहे.
मटण : मटण हे चिकन आणि बीफपेक्षा कमी प्रमाणात खाल्ले जाते, कारण ते सर्वात महाग आहे. मटणाचे सेवन प्रामुख्याने बकरी ईद किंवा लग्नसोहळ्यांमध्ये केला जातो. पाकिस्तानमध्ये डुकराचे मांस खाल्ले जात नाही. त कराचीसारख्या किनारी प्रदेशांमध्ये मासेदेखील मोठ्या प्रमाणात खाल्ले जातात.
