GK: डी-मार्टमध्ये अंडी, चिकन आणि मटण कधीच मिळत नाहीत; नेमकं कारण तरी काय?
D-Mart: दूध, डाळी, तेल, साबण, कपडे, चप्पल अशा रोजच्या वापरातील अनेक वस्तू डी-मार्टमध्ये मिळतात. पण कधीच अंडी, मांस आणि मटण मिळत नाही. नेमकं कारण काय आहे? ते समोर आले आहे.
डीमार्ट हे भारतातील एक लोकप्रिय रिटेल स्टोअर आहे. येथे सर्व प्रकारच्या वस्तू एकाच छताखाली अत्यंत कमी किमतीत मिळतात. त्यामुळे प्रत्येक डीमार्ट स्टोअरमध्ये ग्राहकांची मोठी गर्दी दिसून येते. अनेक लोक महिन्याभराचे सामानही येथूनच खरेदी करतात. दूध, डाळी, तेल, साबण, कपडे, चप्पल अशा रोजच्या वापरातील अनेक वस्तू येथे सहज उपलब्ध असतात.
मात्र, रोजच्या वापरातील काही महत्त्वाच्या वस्तू डीमार्ट स्टोअरमध्ये विकल्या जात नाहीत. यात प्रामुख्याने भाजीपाला, अंडी आणि फ्रोजन चिकन यांचा समावेश होतो. याशिवाय मोठ्या इलेक्ट्रॉनिक वस्तूही येथे विक्रीसाठी ठेवल्या जात नाहीत.
भाजीपाला हा नाशवंत पदार्थ आहे. तो लवकर खराब होतो. स्टोअरमध्ये भाजीपाला विक्रीसाठी ठेवल्यास त्याची फ्रेशनेस टिकवणे कठीण होते. भाजीपाला खराब झाल्यास ग्राहकांच्या तक्रारी येऊ शकतात. म्हणून डीमार्ट स्टोअरमध्ये भाजीपाला विकला जात नाही.
अंडी आणि फ्रोजन चिकनही नाशवंत पदार्थ आहेत. अंडी ग्राहकांच्या हातातून फुटू शकतात. तर फ्रोजन चिकन योग्य पद्धतीने ठेवले नाही तर दुर्गंधी पसरू शकते. या कारणांमुळे अंडी आणि फ्रोजन चिकनही डीमार्ट स्टोअरमध्ये विकली जात नाहीत.
अशा प्रकारे नाशवंत आणि व्यवस्थापन दृष्ट्या जोखमीच्या वस्तू टाळून डीमार्ट आपल्या स्टोअरमध्ये केवळ टिकाऊ आणि सहज विक्री होणाऱ्या वस्तूंवरच भर देतो.
