या अभिनेत्रीला चित्रपटात घेण्यासाठी दिग्दर्शक घराबाहेर लावायचे रांग, पण आता करतेय शिक्षिकेच काम
सलमान खान, शाहरुख खानसोबत काम करणारी अभिनेत्री, बॉलिवूडमध्ये पदार्पण करताच ठरली हिट. चित्रपटात घेण्यासाठी दिग्दर्शक घराबाहेर लावायचे रांग. कोण आहे ती?
1990 च्या दशकात बॉलिवूडमध्ये अनेक कलाकारांनी आपल्या अभिनयाची छाप पाडली. त्यापैकी एक नाव म्हणजे अभिनेत्री कंचन. सलमान खान, गोविंदा, करिश्मा कपूर, शाहरुख खान, अक्षय कुमार आणि मिथुन चक्रवर्ती यांसारख्या दिग्गज कलाकारांसोबत तिने काम केलं आहे.
17 एप्रिल 1970 रोजी जन्मलेल्या कंचनला लहानपणापासून अभिनयाची आवड होती. महाविद्यालयीन शिक्षणादरम्यान तिने मॉडेलिंग सुरू केले. त्याच काळात दिग्दर्शक सावन कुमार टाक यांनी तिच्या जाहिरातीतील छायाचित्र पाहिले आणि तिच्या नैसर्गिक सौंदर्याने प्रभावित होऊन तिला चित्रपटाची संधी दिली.
1991 मध्ये प्रदर्शित झालेल्या 'सनम बेवफा' या चित्रपटातून कंचनने बॉलिवूडमध्ये पदार्पण केले. या चित्रपटात तिने सलमान खानसोबत महत्त्वाची भूमिका साकारली. चित्रपटाला चांगले यश मिळाले आणि कंचनचीही दखल घेतली गेली.
पहिल्या चित्रपटानंतर कंचनला अनेक चित्रपट मिळाले, मात्र तिला बहुतेक वेळा नायिकेची मैत्रीण, बहीण किंवा सहाय्यक भूमिका साकाराव्या लागल्या. तिच्या साध्या आणि निरागस व्यक्तिमत्त्वामुळे दिग्दर्शकांनी तिला अशाच भूमिकांसाठी पसंती दिली. तिला भूमिका देण्यासाठी लोक दिग्दर्शक तिच्या घराबाहेर लाईन लावायचे.
1990 च्या दशकाच्या अखेरीस कंचनला चित्रपटांच्या ऑफर्स कमी होऊ लागल्या. नव्या अभिनेत्रींच्या आगमनामुळे स्पर्धा वाढली होती. त्याचबरोबर चित्रपटांमध्ये ग्लॅमर, बोल्ड भूमिका आणि आयटम गाण्यांवर वाढता भर तिला मान्य नव्हता. आपल्या तत्त्वांशी तडजोड करण्याऐवजी तिने अभिनय क्षेत्रातून दूर जाण्याचा निर्णय घेतला.
