Shiv Sena : पक्षाकडून पदाधिकाऱ्यांच्या नियुक्त्या, पण आम्हाला नाहीत मान्य त्या..! जळगाव जिल्हा प्रमुखाच्या घरासमोरच शिवसैनिकांचा ठिय्या

जळगाव :  (Shivsena) शिवसेनेतील बंड आता थंड झाल्यानंतर नव्याने पदाधिकाऱ्यांच्या नियुक्त्या करुन पक्ष संघटनेवर भर दिला जात आहे. गेल्या दोन दिवसांपासून जिल्हा प्रमुखांकांकडून पदाधिकाऱ्यांच्या नियुक्त्या केल्या जात आहेत. अशाच पद्धतीने (Jalgaon District) जळगाव जिल्हा प्रमुखांनी पदाधिकाऱ्यांची नियुक्त्या पण भुसावळ तालुक्यातील शिवसेना पदाधिकारी हे झालेल्या नियुक्त्यांवर समाधानी नाहीत. खऱ्या शिवसैनिकाला न्याय मिळाला पाहिजे ही भूमिका शिवसैनिकांनी घेतली असून नियुक्त्यांमध्ये फेरबदल करावा या मागणीसाठी त्यांनी थेट जिल्हा प्रमुखांच्या घराबाहेरच ठिय्या आंदोलन सुरु केले आहे. त्यामुळे (Party organization) पक्ष संघटन करताना स्थानिक नेतृत्वापासून ते पक्षप्रमुखांना देखील तारेवरची कसरत करावी लागत आहे. पदाधिकाऱ्यांची नाराजी बाजूला सारुन मधला मार्ग काढण्याचा प्रयत्न केला जात आहे.

नेमके काय झाले नियुक्त्यांमध्ये?

पक्षप्रमुख उद्धव ठाकरे यांच्या आदेशानंतर आता स्थानिक पातळीवरही बदल होण्यास सुरवात झाली आहे. त्याच अनुशंगाने जळगाव जिल्हाप्रमुख यांनी जिल्ह्यातील शिवसेना पदाधिकाऱ्यांच्या नियुक्ती जाहीर केली. पण भुसावळ तालुक्यातील काही पदाधिकाऱ्यांना ह्या नियुक्त मान्य नाही. गेल्या 40 वर्षापासून शिवसेना कार्यकर्ते आहेत. परंतु आमचा विचार केला जात नाही नवीन येणाऱ्यांना प्राधान्य दिले जाते. पद दिले जातात असा अन्याय आम्ही सहन करणार नाही असा इशारा देत त्यांनी आंदोलनास सुरवात केली आहे.

नवख्यांना संधी, एकनिष्ठतेचे काय?

पक्षामध्ये नव्याने प्रवेश केला त्यांची लागलीच नियुक्ती केली जात आहे. मात्र, नियुक्त्या करताना त्याने पक्षासाठी दिलेले योगदान, एकनिष्ठता याचाही अभ्यास होणे गरजेचे असल्याचे मत शिवसैनिक व्यक्त करीत आहेत. शिवाय काम करणारे बाजूलाच पण चमकोगिरी करणाऱ्यांचा सन्मान हीच गोष्ट शिवसैनिकांना खटकलेली आहे. त्यामुळे भुसावळ तालुक्यात झालेल्या नियुक्त्या ह्या काही शिवसैनिकांना ह्या मान्यच नाहीत. त्यामुळे यावर काय तोडगा काढला जाणार हे पहावे लागणार आहे.

जिल्हाप्रमुखांच्या घरासमोरच ठिय्या

गेल्या 40 वर्षापासून पक्ष संघटनेचे काम आणि एकनिष्ठतेचे फळ हे मिळालेच पाहिजे. नव्याने येणाऱ्यांची थेट नियुक्ती हे अमान्य असल्याचे म्हणत भुसावळ येथील काही शिवसैनिकांनी थेट जिल्हा प्रमुख यांच्या घरासमोरच ठिय्या आंदोलन सुरु केले आहे. मंगळवारी रात्री उशिरापर्यंत हे आंदोलन सुरु होते. त्यामुळे या नियुक्त्यांमध्ये वरीष्ठ हस्तक्षेप करणार का हे देखील पहावे लागणार आहे.