Bihar Election Result 2020 LIVE | बिहार निवडणुकांतील यश आणि विजय फडणवीसांमुळे, निकालापूर्वीच प्रसाद लाड यांच्याकडून श्रेय

Bihar Election Result 2020 LIVE पाटणा : बिहार विधानसभा निवडणुकांचा निकाल (Bihar Vidhansabha Election Result) अवघ्या काही तासांमध्ये स्पष्ट होणार आहेत. बिहार निवडणुकीच्या मतमोजणी प्रक्रियेकडे सगळ्या देशाचं लक्ष लागलं आहे. सुरुवातीच्या कलांनुसार एनडीए आणि महागठबंधन यांच्यामध्ये कांटे की टक्कर पाहायला मिळत आहे. त्यामुळे निवडणुकीत कोण बाजी मारणार, याची उत्सुकता शिगेला पोहोचली आहे. बिहार विधानसभा निवडणुकांचे निकाल जाहीर होण्यापूर्वीच यश आणि विजयाचे श्रेय भाजपचे उपाध्यक्ष प्रसाद लाड यांनी विरोधीपक्ष नेते देवेंद्र फडणवीस यांना दिलं. (Bihar Election Result 2020 Prasad Lad gives credit to Devendra Fadnavis for BJP victory LIVE Updates)

बिहारमधील निवडणुकांच्या निकालाबद्दल पंतप्रधान नरेंद्र मोदी यांचं अभिनंदन प्रसाद लाड यांनी केलं. “एक्झिट पोलमध्ये बिहार विधानसभा निवडणुकीत भाजप आणि एनडीएचा धुव्वा उडाल्याचं चित्र दाखवलं, मुख्यमंत्री नितीशकुमार यांच्याविरोधात वातावरण असल्याचं दाखवलं. मात्र बिहारमधील जनतेने भाजपवर, पंतप्रधान मोदींवर विश्वास दाखवला” अशी प्रतिक्रिया प्रसाद लाड यांनी ‘टीव्ही 9 मराठी’शी बोलताना दिली.

“विरोधीपक्ष नेते देवेंद्र फडणवीस यांनी बिहार निवडणुकीची जबाबदारी उचलली. राष्ट्रीय पातळीवर नेतृत्व केलं. त्यामुळे हे देवेंद्र फडणवीस यांचंही यश आणि विजय आहे. काही तासातच एनडीए 130 च्या वर जाईल आणि महागठबंधन 100 च्या खाली येईल” असा विश्वासही प्रसाद लाड यांनी व्यक्त केला.

भाजपने देवेंद्र फडणवीस यांची बिहारच्या प्रभारीपदी नियुक्ती केली होती. अधिकृतरित्या नियुक्ती होताच त्यांनी बिहार जिंकण्याचा इरादा बोलून दाखवला होता. “भारतीय जनता पक्षाने माझ्यासारख्या कार्यकर्त्यावर ही जबाबदारी सोपवली आहे. त्या जबाबदारीला निश्चित न्याय देण्याचा प्रयत्न करेन, यंदाच्या निवडणुकीत एनडीए बहुमताने जिंकेल” असा दावा फडणवीस यांनी केला होता.

छगन भुजबळ काय म्हणाले?

राष्ट्रवादीचे नेते छगन भुजबळ यांचा वैयक्तिक रोष भाजप आणि नरेंद्र मोदी यांच्याबद्दल आहे, असंही लाड म्हणाले. “भाजपची लाट राहिलेली नाही, नरेंद्र मोदींचा करिष्मा राहिलेला नाही, बिहारमध्ये विरोधीपक्षाचं सरकार येईल, अशी प्रतिक्रिया छगन भुजबळ यांनी ‘टीव्ही 9 मराठी’शी बोलताना दिली होती. (Bihar Election Result 2020 Prasad Lad gives credit to Devendra Fadnavis for BJP victory LIVE Updates)

“तेजस्वी यादवांचं कौतुक करावं तेवढं कमीच आहे. भाजपसारखा मोठा पक्ष, नितीशकुमार यांच्यासारखे मुख्यमंत्री समोर होते, तर वडील लालूप्रसाद यादव तुरुंगात आहेत, याही परिस्थितीत एकट्याच्या हिमतीवर पक्षाचं नेतृत्व करणं कौतुकास्पद आहे” असंही भुजबळ म्हणाले होते.

Bihar Election Result live #BiharElectionResults https://t.co/bfYcrzSYIR

— TV9 Marathi (@TV9Marathi) November 10, 2020

संबंधित बातम्या :

तेजस्वी यादवांमुळे नव्हे, कोरोनामुळे आमचा पराभव; जेडीयूचं अजब तर्कट

बिहार निवडणुकीच्या निकालांवरुन प्रवीण दरेकर-अमोल मिटकरी आमने-सामने

(Bihar Election Result 2020 Prasad Lad gives credit to Devendra Fadnavis for BJP victory LIVE Updates)