ठाकरे सरकारचं ‘मुंबई मॉडेल’ खोटं, इथल्या रुग्णांची नोंद पुण्यात; नितेश राणेंचा गंभीर आरोप
त्यामुळे इतर शहरांतील कोरोना रुग्णसंख्येचा आकडा हा मुंबईच्या तुलनेत जास्त राहतो, असे नितेश राणे यांनी सांगितले. | Nitesh Rane Mumbai Model
मुंबई: देशभरात नावाजला जात असणारा ठाकरे सरकराचा मुंबई पॅटर्न (Mumbai Pattern) हा निव्वळ खोटारडेपणा असल्याचा गंभीर आरोप भाजप आमदार नितेश राणे (Nitesh Rane) यांनी केला आहे. ठाकरे सरकार मुंबईतील रुग्णांची नोंद पुण्याच्या खात्यात करून येथील आकडा कमी भासवत असल्याचे नितेश राणे यांनी म्हटले आहे. (BJP leader Nitesh Rane slams Thackeray govt over fake Mumbai Model of Coronavirus control)
नितेश राणे यांनी मंगळवारी ट्विट करुन यासंदर्भात सविस्तर भाष्य केले. मुंबईतील कोरोना रुग्णांची नोंद पुणे आणि इतर शहरांच्या खात्यात करणे, हाच ‘मुंबई पॅटर्न’ आहे का? अनेक लोकांनी मला याबद्दल माहिती दिली आहे. मुंबईत एखादी व्यक्ती कोरोना पॉझिटिव्ह झाली की त्याला पुण्याच्या कोविड वॉर रुममधून फोन येतो. अशाप्रकारे ठाकरे सरकार मुंबईतील कोरोना रुग्णांचा आकडा कमी भासवत असल्याचे नितेश यांनी म्हटले.
Is the so called #MumbaiModel all about transferring patients to Pune n other cities ?? Many tell me..Once some1 gets positive in Mumbai..he/she receives follow up calls from Pune covid war room.. That’s how the numbers r reduced for the sake of PR n a fake Mumbai Model?
— nitesh rane (@NiteshNRane) May 11, 2021
“Transferring” means the patient is still in Mumbai but shown as a Pune patient to reduce the Mumbai numbers..No wonder other cities have high numbers n Mumbai is at its lowest!! Full Golmaal!!
— nitesh rane (@NiteshNRane) May 11, 2021
कोरोना रुग्ण मुंबईतून पुण्यात ट्रान्सफर केले जातात म्हणजे त्यांना प्रत्यक्षात एका शहरातून दुसऱ्या शहरात हलवले जात नाही. केवळ त्यांची नोंद इतर शहरांच्या कोरोना आकडेवारीत केली जाते. त्यामुळे इतर शहरांतील कोरोना रुग्णसंख्येचा आकडा हा मुंबईच्या तुलनेत जास्त राहतो, असे नितेश राणे यांनी सांगितले. आता नितेश राणे यांच्या आरोपाला शिवसेना आणि महाविकासआघाडीचे इतर नेते काय प्रत्युत्तर देणार, हे पाहावे लागेल.
संबंधित बातम्या:
काय आहे ‘मुंबई मॉडेल’, जे सुप्रीम कोर्टानं केंद्राला दिल्लीसाठी राबवायला सांगितलं!
“रुग्णसंख्या वाढली की जनता बेजबाबदार, कमी झाली की सरकारचं यश, अशी दुटप्पी भूमिका का?”
(BJP leader Nitesh Rane slams Thackeray govt over fake Mumbai Model of Coronavirus control)
