BMC election 2022 : राज्यात सत्तांतर, मुंबईमहापालिकेची निवडणूक काही दिवसांवर, प्रभाग क्र. 200 मध्ये काय होणार?

मुंबई महापालिकेची निवडणूक काही दिवसांवर येऊन ठेपली आहे. मुंबईत शिवसेनेचं वर्चस्व आहे. प्रभाग क्रमांक 200 ची काय स्थिती आहे? पाहुयात...

आयेशा सय्यद | Updated on: Aug 07, 2022 | 11:46 AM

मुंबई : मुंबई राज्याची राजधानी तर देशाची आर्थिक राजधानी… याच मुंबई महापालिकेची निवडणूक (BMC election 2022) काही दिवसांवर येऊन ठेपली आहे. मुंबईत शिवसेनेचं वर्चस्व आहे. राज्यात सत्तांतर झालंय. उद्धव ठाकरेंना मुख्यमंत्रिपदावरून पायउतार व्हावं लागलं अन् एकनाथ शिंदे मुख्यमंत्री झालेत. त्यामुळे मुंबई महापालिकेत काय होणार याकडे राज्यासह देशाचं लत्र लागलं आहे. मुंबईची लोकसंख्या 3,085,411 एवढी आहे. मुंबईतील एकूण मतदार संख्या 94 लाख 96 हजार 605 एवढी आहे. मुंबई महापालिकेची सदस्य संख्या 227 आहे. आता ही संख्या वाढून 236 करण्यात आली आहे. यात अनुसूचित जातीसाठी 15 वॉर्ड तर अनुसूचित जमातीसाठी 2 वॉर्ड राखीव ठेवण्यात आले आहेत. तर महिलांसाठी 109 वॉर्ड आरक्षित आहेत. सध्या मुंबई महापालिकेत (Mumbai Municipal election) शिवसेनेची सत्ता आहे. किशोरी पेडणेकर या मुंबई महापालिकेच्या महापौर तर इक्बाल सिंह चहल हे महापालिकेचे आयुक्त आहेत. मात्र, सध्या महापालिकेवर प्रशासक नेमण्यात आल्याने चहल हेच प्रशासक म्हणून काम पाहत आहेत. प्रभाग क्रमांक 200 मध्ये 2017 ला शिवसेनेच्या उर्मिला पांचाळ निवडून आल्या होत्या. आता काय स्थिती आहे. तिथली राजकीय गणितं काय आहेत? पाहुयात…

आरक्षण

सर्वोच्च न्यायालयाने विशेष अनुमती याचिकेअंतर्गत 4 मे 2022 रोजी आदेशानुसार निवडणूक आयोगाने आरक्षण जाहीर केलंय. महापालिकांची अंतिम प्रभाग रचना प्रसिद्ध करण्यासंदर्भात कार्यक्रम दिला होता. त्याला अनुसरुन मुंबई महापालिकेची अंतिम प्रभाग रचना प्रसिद्ध करण्यात आली आहे.

व्याप्ती

किर्ती कॉलेजपासून, माहिम, काशीनाथ मार्गापासून ते सावरकर मार्गापर्यंत याचा विस्तार आहे. आर. बी आय. वसाहत, रविंद्र नाट्यमंदिर, प्रभादेवी मंदीर, वरळी बस डेपो, वरळी आर.टी.ओ., पोद्दार हॉस्पिटल, जांबोरी मैदान या ठिकाणांचा समावेश आहे.