ना सुरक्षा रक्षक, ना सहकारी, राज-फडणवीस गुप्त भेट, राज ठाकरे मागच्या दाराने, फडणवीस पुढील दाराने रवाना!
महाराष्ट्र नवनिर्माण सेनेचे अध्यक्ष राज ठाकरे आणि भाजप नेते व माजी मुख्यमंत्री देवेंद्र फडणवीस (Devendra Fadnavis meet Raj Thackeray) यांची आज गुप्त भेट झाली.
मुंबई : महाराष्ट्राच्या राजकारणात मोठ मोठ्या घडामोडींचं सत्र सुरुच आहे. आजही अशीच मोठी घडामोड घडली. महाराष्ट्र नवनिर्माण सेनेचे अध्यक्ष राज ठाकरे आणि भाजप नेते व माजी मुख्यमंत्री देवेंद्र फडणवीस (Devendra Fadnavis meet Raj Thackeray) यांची आज गुप्त भेट झाली. महत्त्वाचं म्हणजे कोणतीही वाच्यता न करता दोन्ही नेत्यांनी अत्यंत गोपनियता बाळगत चर्चा केली. प्रभादेवी येथील हॉटेल इंडिया बुल्स स्कायमध्ये (Devendra Fadnavis meet Raj Thackeray) जवळपास दीड तास दोघांमध्ये चर्चा झाली.
महत्त्वाचं म्हणजे या भेटीनंतर देवेंद्र फडणवीस हे पुढील दाराने, तर राज ठाकरे मागील दाराने बाहेर पडले. टीव्ही 9 मराठीच्या कॅमेऱ्यात ही दृश्यं कैद झाली आहेत.
या बैठकीसाठी अत्यंत गोपनियता बाळगण्यात आली होती. राज ठाकरे आणि देवेंद्र फडणवीस यांचे मित्र गुरुप्रसाद रेगे हे या बैठकीला उपस्थित होते.
महत्त्वाचं म्हणजे राज ठाकरे या बैठकीसाठी कोणत्याही सुरक्षा रक्षकाशिवाय आले होते. तर देवेंद्र फडणवीस यांनीही या बैठकीबाबत मोठी गोपनीयता बाळगली होती. या भेटीनंतर राज ठाकरे यांचे अत्यंत जवळचे मित्र गुरुप्रसाद रेगे हे देवेंद्र फडणवीस यांना गाडीपर्यंत सोडण्यासाठी खाली आले.
नव्या युतीचे संकेत
शिवसेनेने भाजपची साथ सोडल्याने, आता मनसे आणि भाजपची युती होण्याची शक्यता आहे. गेल्या काही दिवसापासून तशा चर्चा महाराष्ट्राच्या राजकारणात सुरु आहेत. मनसेचं येत्या 23 जानेवारीला महाअधिवेशन होणार आहे. मनसेच्या कारकिर्दीतील हे पहिलं अधिवेशन आहे. या अधिवेशनात राज ठाकरे कोणती भूमिका जाहीर करणार याकडे मनसैनिकांचं लक्ष लागलं आहे.
राजकारणात काहीह होऊ शकतं
राजकारणात कोणी कोणाचा कायमचा मित्र किंवा कायमचा शत्रू नसतो, हे महाराष्ट्रात महाविकास आघाडीच्या निमित्ताने पाहायला मिळालं. माजी मुख्यमंत्री देवेंद्र फडणवीस यांनीही काही दिवसांपूर्वी शिवसेना, काँग्रेस आणि राष्ट्रवादी हे एकत्र येत असतील तर राजकारणात काहीही होऊ शकतं असं म्हटलं होतं. त्यामुळे आता मनसे आणि भाजप हे सुद्धा एकत्र येणार का आणि राजकारणात काहीही होऊ शकतं याची पुन्हा एकदा प्रचिती येणार का हे येत्या काळात स्पष्ट होणार आहे.
संबंधित बातम्या
राज ठाकरे आणि देवेंद्र फडणवीस यांची गुप्त बैठक, महाराष्ट्राच्या राजकारणात नव्या युतीचे संकेत