Nasik NMC Election 2022 | नाशिक महापालिका निवडणूक, शालिमार परिसरात भाजपचे वर्चस्व टिकणार का? काय आहे प्रभाग क्रमांक 18 चे गणित?

Image Credit source: tv9 marathi

नाशिकः शिवसेनेतील बंडामुळे गल्लीपासून दिल्लीपर्यंतची राजकीय समीकरणेच बदलली आहेत. पुढील काही महिन्यात स्थानिक स्वराज्य संस्थांच्या (Local Body Election) निवडणुका होत आहेत. नाशिक महापालिकेचाही बिगुल वाजलाय. महापालिका निवडणूक (Municipal Corporation) कार्यक्रम अद्याप जाहीर झालेला नसला तरीही मतदार याद्या (Voter’s list) प्रसिद्ध करण्यात आल्या आहेत. महापालिकेचे अधिकारीही वेगाने कामाला लागले आहेत. महापालिकेत भाजपची एकहाती सत्ता असली तरीही यंदा शिवसेना आणि भाजपमध्ये तगडी फाइट पहायला मिळू शकते. प्रभाग क्रमांक 18 मध्ये 2017 मधील निवडणुकांत चार वॉर्ड होते. यापैकी तीन वॉर्ड भाजपच्या तर एक वॉर्ड शिवसेनेच्या ताब्यात होता.. यंदा नवीन प्रभाग रचनेनुसार, शालीमार परिसर या वॉर्डात प्रामुख्याने समाविष्ट करण्यात आला आहे. प्रभागातील आरक्षण सोडतही जाहीर झाली आहे. त्यानुसार इच्छुक कामाला लागले आहेत. आता आगामी निवडणुकीत भाजपचे उमेदवार विजय टिकवून ठेवतात की शिवसेनेची ताकद वाढते, हे पहावे लागेल.

प्रभाग 18 मधील महत्त्वाचे भाग कोणते?

नाशिक महापालिकेच्या हद्दीतील शालिमार हा परिसर प्रामुख्याने प्रभाग क्रमांक 18 मध्ये प्रामुख्याने शालिमार परिसराचा समावेश होतो. नव्या प्रभाग रचनेनुसार, या वॉर्डात गंगावाडी, तेलीगल्ली, वकीलवाडी, राजे बहाद्दर हॉस्पिटल, स्टेडियम कॉम्प्लेक्स, जीपीओ, पंचशीलनगर, फावडेलेन, नेहरूगार्डन, कोकणीपुरा, गंजमाळ आदी परिसराचा समावेश होतो.

लोकसंख्येचं गणित काय?

नाशिक महापालिकेतील प्रभाग क्रमांक 18 मधील एकूण लोकसंख्या 34,931एवढी आहे. यापैकी अनुसूचित जातीतील मतदार 4945 तर अनुसूचित जमातीचे मतदार 1959 एवढे आहेत.

2017 मधील चित्र काय?

नाशिक महापालिकेत यापूर्वी झालेल्या निवडणुकांमध्ये एका प्रभागात चार वॉर्डांचा समावेश होता. प्रभाग क्रमांक 18 मधील मागील निवडणुकीतील विजयी उमेदवार असे-
प्रभाग 18 अ- शरद चिंतामण मोरे (भाजप)
प्रभाग 18 ब- रंजना प्रकाश बोराडे (शिवसेना)
प्रभाग 18 क- मीरा बबन हांडगे (भाजप)
प्रभाग 18 ड- विशाल संगमनेरे (भाजप)

यंदा प्रभागातील आरक्षण कसे?

आगामी 2022 मधील निवडणुकांमध्ये प्रभाग क्रमांक 18 मधील वॉर्डांमधील आरक्षण पुढील प्रमाणे-

• 18-अ- सर्वसाधारण महिला
• 18-ब- सर्वसाधारण महिला
• 18-क- सर्वसाधारण खुला

नाशिक महापालिकेत हेही महत्त्वाचे-

नाशिकची एकूण लोकसंख्या 14,86,053 एवढी आहे. नाशिकमधील अनुसूचित जातीची लोकसंख्या 2,14,620 एवढी असून अनुसूचित जमातीची लोकसंख्या 1,07,456 एवढी आहे. नाशिक महापालिकेत एकूण 133 नगरसेवक आहेत. त्यात अनुसूचित जातीसाठी 19, अनुसूचित जमातीसाठी 10 आणि महिलांसाठी 52 जागा राखीव आहेत. महापालिकेत एकूण 44 प्रभाग आहेत. त्यापैकी 43 प्रभाग हे तीन सदस्यीय असून एक प्रभाग चार सदस्यीय आहे. महापालिकेत भाजपची सत्ता आहे. रमेश पवार हे नाशिक महापालिकेचे आयुक्त आहेत. तसेच पालिकेचे प्रशासकही आहेत.

2017 मधील पक्षीय बलाबल कसे?

• भाजप- 66 (सध्या 64)
• शिवसेना-35 (सध्या 33)
• राष्ट्रवादी- 6
• काँग्रेस-6
• मनसे-5
• अपक्ष-4
• एकूण – 133 नगरसेवक (2017 नुसार)नाशिक महानगरपालिका निवडणूक 2022 प्रभाग क्रमांक 18 अ

नाशिक महानगरपालिका निवडणूक 2022 प्रभाग क्रमांक 18 ब

नाशिक महानगरपालिका निवडणूक 2022 प्रभाग क्रमांक 18 क