SMC Election 2022, Ward 32 : महिला आरक्षणामुळे पक्षांची समीकरणे बदलली; मातब्बर महिला उमेदवारांच्या शोधात राजकीय पक्ष; जाणून घ्या सध्याची राजकीय स्थिती

सोलापूर महापालिका निवडणूक

Image Credit source: TV9

सोलापूर : महाराष्ट्रातील इतर महापालिका निवडणुकांप्रमाणे सोलापूर महापालिका निवडणुकी (Solapur Corporation Election)त सर्वच राजकीय पक्षांची प्रतिष्ठा पणाला लागणार आहे. 2024 च्या लोकसभा निवडणुकीच्या पार्श्वभूमीवर ही निवडणूक संपूर्ण सोलापूर जिल्ह्याच्या राजकारणाची दिशा ठरवणार आहे. त्यादृष्टीने विजय आपल्या खिशात घालण्यासाठी राजकीय पक्ष (Political Party) सध्या मातब्बर महिला उमेदवारांचा शोध घेत आहेत. काही प्रभागांप्रमाणेच प्रभाग फेररचनेनुसार तयार झालेल्या नवीन प्रभाग क्रमांक 32 मध्येही सर्व पक्ष दिग्गज महिला उमेदवारांचा शोध घेत आहेत. उमेदवारांच्या निवडीवरच राजकीय पक्षांच्या विजयाचे भवितव्य अवलंबून असणार आहे. सध्या या महापालिकेवर भाजप (BJP)ची सत्ता होती. भाजपने पुन्हा सत्ता आपल्याकडेच राखण्याचा निर्धार केला आहे. त्याचवेळी विरोधकही मोठी व्यूहरचना आखून भाजपच्या स्वप्नाला तडा देण्याच्या तयारीत आहेत. त्या पार्श्वभूमीवर प्रभाग क्रमांक 32 मध्ये कुणाचे भाग्य उजळणार, याचा थोडक्यात घेतलेला आढावा.

सोलापूर महापालिका वॉर्ड 32 अ

प्रभाग क्रमांक 32 ची लोकसंख्या

एकूण लोकसंख्या – 26622
अनुसूचित जाती – 2643
अनुसूचित जमाती – 429

प्रभागातील आरक्षण

32 (अ) – सर्वसाधारण महिलांकरिता
32 (ब) – सर्वसाधारण महिलांकरिता
32 (क) – सर्वसाधारण

सोलापूर महापालिका वॉर्ड 32 ब

2017 च्या सार्वत्रिक निवडणुकीतील राजकीय बलाबल

1. भाजप – 49
2. शिवसेना – 21
3. राष्ट्रीय काँग्रेस (INC) – 14
4. ऑल इंडिया मजलिस-ए-इत्तेहादुल मुस्लिमीन ऑल इंडिया – 09
5. राष्ट्रवादी काँग्रेस पार्टी – 04
6. बहुजन समाज पार्टी – 04
7. भारतीय कम्युनिस्ट पार्टी (मार्क्सवादी) CPI(M) – 01
8. अपक्ष – 00

सोलापूर महापालिका वॉर्ड 32 क

प्रभागातील प्रमुख विभाग कोणकोणते?

प्रभाग क्रमांक 32 मध्ये पारसी विहीर, स्वागत नगर, नई जिंदगी, हुच्चेश्वर नगर, शोभादेवी नगर आदी प्रमुख विभागांचा समावेश आहे. या प्रभागात त्रिसदस्यीय निवडणूक होणार आहे, अर्थात येथून तीन नगरसेवक महापालिकेत निवडून जाणार आहेत. त्यापैकी दोन महिला उमेदवारांना प्रतिनिधित्व करण्याची संधी मिळणार आहे. त्या पार्श्वभूमीवर सर्वच प्रमुख राजकीय पक्षांनी महिला दिग्गज उमेदवारांचा शोध सुरु केला आहे. या प्रभागात संमिश्र लोकवस्ती आहे. अनुसूचित जाती आणि अनुसूचित जमाती प्रवर्गातील व्होट बँकही राजकीय पक्षांचे भवितव्य ठरवणार आहे. त्यामुळे राजकीय पक्ष सर्वांगी विचार करून निवडणुकीची रणनीती आखत असल्याचे सध्याचे चित्र आहे.

बदललेली प्रभाग रचना, महिला व नागरिकांच्या इतर मागास प्रवर्गांसाठी (ओबीसी) सर्वोच्च न्यायालयाच्या निर्देशानुसार देण्यात आलेले राजकीय आरक्षण तसेच महाराष्ट्राच्या राजकीय पटलावर घडलेला सत्ता बदल या सर्व गोष्टी सोलापूर महापालिकेच्या निवडणुकीवरही आपला प्रभाव दाखवून देणार आहेत. याच अनुषंगाने राजकीय पक्षांनी निवडणुकीच्या काही महिने आधीच समीकरणांची जुळवाजुळव सुरु ठेवली आहे. यात जो पक्ष पद्धतशीर नियोजन करेल त्याचाच सोलापूर महापालिकेवर झेंडा फडकेल, असेच चित्र तूर्त तरी दिसत आहे.