वांद्र्यातील स्पा केंद्राला विरोध, मनसे नेते अखिल चित्रेंसह दोघांना अटक
वांद्रे येथील खैरवाडी विभागातील समाधान सोसायटीमध्ये तयार होणाऱ्या स्पा केंद्राला विरोध केल्याने मनसेचे नेते अखिल चित्रे यांच्यासह 2 जणांना खैरवाडी पोलिसांनी अटक केली आहे.
मुंबई : वांद्रे येथील खैरवाडी विभागातील समाधान सोसायटीमध्ये तयार होणाऱ्या स्पा केंद्राला विरोध केल्याने मनसेचे नेते अखिल चित्रे यांच्यासह 2 जणांना खैरवाडी पोलिसांनी अटक केली आहे. इमारतीमधील नागरिकांचा या स्पाला जोरदार विरोध आहे. समाधान सोसायटीच्या तळ मजल्यावर दोन गाळ्यांना एकत्र करून एक स्पा केंद्र तयार करण्यात येतंय. मात्र, यासाठी सोसायटीची कोणतीही परवानगी न घेता अनधिकृत बांधकाम करीत असल्याचा आरोप इमारतीमधील रहिवाशांचा आहे (MNS leader Akhil Chitre arrested due to oppose to Spa centre in Bandra).
गुरुवारी (21 जानेवारी) या ठिकाणी वीज जोडणी करण्यास अदानी कंपनीचे कर्मचारी आले. त्यावेळी सोसायटीमधील रहिवाशांनी त्याला जोरदार विरोध केला. यावेळी त्यांनी मनसेचे नेते अखिल चित्रेंनाही बोलावलं. यावेळी या गाळ्यात काम करणारे कर्मचारी संतोष देवलेकर यांना मारहाण करत तोडफोड केल्याचा आरोप मनसेवर करण्यात आलाय.
या मारहाणी प्रकरणी अखिल चित्रे आणि इमारतीमधील रहिवासी अमोल भुरके, अजय ठाकूर यांच्यासह काही लोकांवर आरोप आहेत. खैरवाडी पोलिसांनी या प्रकरणी गुन्हाही दाखल केलाय. या तिघांना अटक करण्यात आली आहे. मात्र ही अटक चुकीची असल्याचा आणि सदर स्पा केंद्र रहिवासी इमारतीमध्ये नको, अशी भूमिका इमारतीमधील रहिवाशांनी मांडली आहे.
हेही वाचा :
मनसेच्या दणक्यानंतर ॲमेझॉनपाठोपाठ फ्लिपकार्टलाही उपरती, मराठी भाषेचाही पर्याय उपलब्ध
अखेर मराठी भाषेचा अ‍ॅमेझॉन अ‍ॅपमध्ये समावेश, मनसेच्या आक्रमक भूमिकेची जेफ बेझोज यांच्याकडून दखल
2010 ला मेट्रोला विरोध करणारे बच्चन सरकार बदलल्यावर बदलले का? : मनसे
व्हिडीओ पाहा :
