स्थायी समिती अध्यक्षच लाचलुचपतच्या ताब्यात!, भाजपचा खरा चेहरा समोर, राष्ट्रवादीचा हल्लाबोल

लक्ष्मण जगताप, पिंपरी-चिंचवड महापालिका, संजोग वाघेरे

पिंपरी-चिंचवड : पिंपरी चिंचवड महानगरपालिकेतील स्थायी समिती अध्यक्षांसह 4 जणांवर पुणे लाचलुचपत प्रतिबंधक विभागाने कारवाई करत ताब्यात घेतलं आहे. एसीबीच्या या कारवाईवरुन पिंपरी-चिंचवड शहरात राजकारण रंगल्याचं पाहायला मिळत आहे. या कारवाईनंतर आता राष्ट्रवादी काँग्रेस आणि भाजप असा संघर्ष सुरू झाल्याचं चित्र शहरात दिसून येत आहे. पिंपरी चिंचवड महानगरपालिकेमध्ये काल स्थायी समितीची बैठक पार पडली. त्यानंतर स्थायी समिती अध्यक्ष नितीन लांडगे यांच्या कार्यालयात पुणे लाचलुचपत प्रतिबंधक विभागाने कारवाई केली. महापालिकेकडून कामाचे टेंडर मंजूर झाले होते. त्याची वर्क ऑर्डर काढण्यासाठी एका ठेकेदाराकडे स्थायी समिती अध्यक्षांच्या नावाने 10 लाखांची लाच मागितली गेली. याप्रकरणी लाचलुचपत प्रतिबंधक विभागाने सापळा लावून कारवाई करत स्थायी समिती अध्यक्ष, त्यांचे स्वीय सहाय्यक, लिपिक, संगणक चालक आणि शिपाई अशा पाच जणांना ताब्यात घेतलं आहे. (Action of ACB against PCMC Standing Committee Chairman, NCP leaders criticize BJP)

अटक करण्यात आलेल्यांमध्ये स्थायी समिती अध्यक्ष नितीन लांडगे चौकशीसाठी एसीबीच्या ताब्यात तर मुख्य लिपिक ज्ञानेश्वर पिंगळे, लिपिक विजय चावरीया, कॉम्प्युटर ऑपरेटर राजेंद्र शिंदे आणि शिपाई अरविंद कांबळे यांचा समावेश आहे.

भाजप-राष्ट्रवादीमध्ये आरोप-प्रत्यारोप

पक्ष खऱ्याच्या पाठी मागे उभा राहील. जे सत्य आहे आणि ह्या प्रकरणाची पडताळणी केली जाईल. येणाऱ्या आगामी महापालिका निवडणुकीत भाजपच्या हातून सत्ता काबीज करण्यासाठी हे षडयंत्र आखलं गेल्याचा आरोप भाजपचे आमदार लक्ष्मण जगताप यांनी महाविकास आघाडी सरकार आणि पर्यायानं राष्ट्रवादी काँग्रेसवर केला आहे. तर हा आरोप लपविण्यासाठी भाजप केविलवाणा प्रयत्न करत आहे. ना भय, ना भ्रष्टाचारचा नारा देत सत्तेत आलेल्या भाजपचा खरा चेहरा समोर आला आहे. त्यामुळे आम्हाला षडयंत्र करण्याची गरज नाही. जनताच त्यांना त्यांची जागा दाखवेल आणि राष्ट्रवादी काँग्रेस पुन्हा सत्तेत येईल, असा दावा राष्ट्रवादी काँग्रेसचे पिंपरी-चिंचवड शहराध्यक्ष संजोग वाघिरे यांनी केलाय.

विरोधकांच्या हाती आयतं कोलित!

दरम्यान, लाच लुचपत प्रतिबंधक विभागाकडून या प्रकरणाची सखोल चौकशी होईलच. जो दोषी असेल त्यावर कायद्याअंतर्गत कारवाईही होईल. पण महानगरपालिकेची निवडणूक अवघ्या काही महिन्यांवर येऊन ठेपली असताना विरोधकांच्या हाती हे आयतं कोलीत मिळालं आहे. आता विरोधक या संधीचा कशाप्रकारे फायदा करुन घेतात हे पाहणं महत्वाचं ठरणार आहे.

इतर बातम्या : 

‘भाजप नेत्यांना त्यांच्या काळातील वसुली आठवत असेल’, नारायण राणेंच्या मुख्यमंत्र्यांवरील टीकेला अब्दुल सत्तारांचं प्रत्युत्तर

PHOTO : तृप्ती सावंत यांच्याकडून नारायण राणेंचं जंगी स्वागत, शिवसेनेच्या जखमेवर मीठ चोळणारे 5 फोटो

Action of ACB against PCMC Standing Committee Chairman, NCP leaders criticize BJP