MLC Election 2022: सचिन भाऊ अंगार है, बाकी सब भंगार है, निकालाआधीच सचिन अहिरांच्या कार्यकर्त्यांची घोषणाबाजी
सचिन अहिर यांचे कार्यकर्ते विजयाआधीच घोषणाबाजी करत आहेत. जोरदार टाळ्यांच्या गजरात सचिन भाऊ, सचिन भाऊ ओरडत आहेत. तसेच 'सचिन भाऊ अंगार है, बाकी सब भंगार है. कोण कोण आला रे कोण आला, शिवसेनेचा वाघ आला. सचिन भाऊ आगे बढो, हम तुम्हारे साथ है' अशा घोषणा लगातार कार्यकर्त्यांकडून सुरु आहेत.
मुंबई : विधान परिषदेच्या 10 जागांसाठी आज मतदान (Voting) पार पडलं. आता सर्वांचेच लक्ष निवडणुकीच्या निकालाकडे लागले आहे. प्रत्येक पक्षाच्या कार्यकर्त्यांना आपलाच नेता जिंकणार असा विश्वास आहे. असाच विश्वास शिवसेनेच्या कार्यकर्त्यांनी व्यक्त केला आहे. निवडणुकीचा निकाल लागण्याआधीच शिवसेनेचे उमेदवार सचिन अहिर (Sachin Ahir) यांच्या कार्यकर्त्यांनी विधान भवनाबाहेर घोषणाबाजी (Slogan) सुरु केली आहे. ‘सचिन भाऊ अंगार है, बाकी सब भंगार है’ असा घोषणा कार्यकर्ते देत आहेत. सचिन अहिर यांचा विजय पक्का असल्याचा विश्वास कार्यकर्त्यांच्या घोषणाबाजीतून व्यक्त होत आहे. कार्यकर्त्यांमध्ये फुल जोश पहायला मिळत आहे.
शिवसेनेतर्फे सचिन अहिर आणि आमशा पाडवी रिंगणात आहेत. सचिन अहिर यांचे कार्यकर्ते विजयाआधीच घोषणाबाजी करत आहेत. जोरदार टाळ्यांच्या गजरात सचिन भाऊ, सचिन भाऊ ओरडत आहेत. तसेच ‘सचिन भाऊ अंगार है, बाकी सब भंगार है. कोण कोण आला रे कोण आला, शिवसेनेचा वाघ आला. सचिन भाऊ आगे बढो, हम तुम्हारे साथ है’ अशा घोषणा लगातार कार्यकर्त्यांकडून सुरु आहेत.
विधान परिषदेच्या 10 जागांसाठी 11 उमेदवार रिंगणात
विधान परिषदेच्या 10 जागांसाठी आज मतदान पार पडले. 10 जागांसाठी 11 उमेदवार रिंगणात असल्याने ही निवडणूक चुरशीची ठरली आहे. या 10 जागांसाठी एकूण 285 आमदारांनी मतदानाचा हक्का बजावला आहे. प्रत्येक उमेदवाराल जिंकण्यासाठी 26 मतांची गरज आहे. सायंकाळी दोन तास उशिराने मतमोजणीला सुरुवात झाली असून थोड्याच वेळात सर्व चित्र स्पष्ट होईल. निवडणुकीत भाजपकडून प्रवीण दरेकर, राम शिंदे, श्रीकांत भारतीय, उमा खापरे, प्रसाद लाड रिंगणात आहेत. काँग्रेसकडून चंद्रकांत हंडोरे आणि भाई जगताप तर राष्ट्रवादीकडून रामराजे नाईक निंबाळकर आणि एकनाथ खडसे रिंगणात आहेत. (Shiv Sena candidate Sachin Ahirs activists started shouting slogans outside the Vidhan Bhavan)
