Astrology : शनिदेवाच्या कृपेने होतो अचानक धनलाभ, अशा प्रकारे मिळतात शुभ संकेत

मुंबई :  शनीच्या महादशा, साडेसती किंवा अडिचकीमध्ये प्रत्येक व्यक्तीला भीती वाटते की आपले काहीतरी वाईट होऊ शकते. पण खरं हे आहे की शनिदेव सर्व लोकांना त्रास देत नाहीत. ज्योतिषशास्त्रात (Astrology) त्याला कर्माचा न्यायकर्ता म्हटले जाते, म्हणून ज्या व्यक्तीचे कर्म जसे असतात, त्यांना तसेच फळ देतात. दुसरीकडे, जेव्हा एखाद्या व्यक्तीला शनीची शुभ फळे प्राप्त होतात, तेव्हा एखादा रंकही राजा बनतो. जेव्हा एखाद्या व्यक्तीच्या कुंडलीत शनि चांगल्या स्थितीत असतो तेव्हा त्या व्यक्तीला आयुष्यात कधीही अडचणींचा सामना करावा लागत नाही. पण प्रश्न असा आहे की जर एखाद्याच्या कुंडलीत शनी शुभ असेल तर त्याला संकेत कसे मिळतात. चला तर मग जाणून घेऊया शुभ स्थितीत शनी कसा सूचित करतो आणि शनी आपल्या जीवनात शुभ आहे हे कसे ओळखावे.

या तीन राशींना शनिदेव शुभ फल देतात

ज्योतिषशास्त्रानुसार मकर आणि कुंभ राशीचा स्वामी शनि आहे. तूळ राशीमध्ये शनि उच्च घरात आहे, मकर आणि कुंभ राशीमध्ये शनि सातव्या घरात आहे. याशिवाय अकराव्या घरात शनिची उपस्थिती देखील चांगली मानली जाते.

ही चिन्हे सांगतात की शनिदेवाची कृपा तुमच्यावर आहे

1. कुंडलीत शनीच्या शुभ स्थितीमुळे व्यक्ती मोठ्या अपघातानंतरही कसा तरी वाचतो. या समस्येतून बाहेर पडण्यासाठी तो काही ना काही मार्ग शोधतो.

2. ज्या लोकांवर शनिदेव कृपा करतात, त्यांचे आरोग्य चांगले असते आणि त्यांना समाजात खूप मान-सन्मान मिळतो.

3. ज्या लोकांच्या कुंडलीत शनिदेव शुभ स्थितीत असतो, शनीच्या प्रभावामुळे त्यांचे केस, नखे, हाडे आणि डोळे लवकर कमकुवत होत नाहीत.

4. अचानक धनलाभ आणि कार्यक्षेत्रात सतत होणारी प्रगती हे देखील तुमच्यावर शनीची विशेष कृपा असल्याचा संकेत आहे.

5. शनिवारी अचानक तुमचे बूट आणि चप्पल चोरीला गेली तर हे देखील शनिदेवाचे शुभ लक्षण मानले जाते.

(वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)