Amalaki Ekadashi 2021: एकादशी तिथी आजपासून, पण उपवास उद्या ठेवावा, जाणून घ्या यामागील कारण…
फाल्गुन महिन्याच्या शुक्ल पक्षाच्या एकादशीला दरवर्षी आमलकी एकादशी (Amalaki Ekadashi 2021) साजरी केली जाते.
मुंबई : फाल्गुन महिन्याच्या शुक्ल पक्षाच्या एकादशीला दरवर्षी आमलकी एकादशी (Amalaki Ekadashi 2021) साजरी केली जाते. या दिवशी भगवान विष्णूसोबत आवळ्याच्या झाडाची पूजा करण्याचंही महत्व आहे. आमलकी एकादशीला काम, अर्थ, धर्म आणि मोक्ष देणारी मानली जाते. हिंदू पंचांगानुसार, या एकादशी तिथी आज 24 मार्चला सकाळी 10 वाजून 32 मिनिटांवर सुरु होईल आणि उद्या 25 मार्च 2021 ला सकाळी 09 वाजून 12 मिनिटांवर समाप्त होईल. अशावेळी लोक उपवासाबाबत कन्फ्युज असतात की उपवास आज ठेवावा की उद्या. कारण आज एकादशी तिथी पूर्ण दिवस आहे आणि उद्या काही वेळेसाठी आहे. त्यानंतर द्वादशी तिथी लागेल (Amalaki Ekadashi 2021 Know When To Do Vrat And Know The Shubh Muhurt).
या प्रकरणी ज्योतिषाचार्य डॉ. अरबिंद मिश्र यांच्यामते, जरी एकादशी तिथी आज पूर्ण दिवस असेल तरी सर्वांनी हा उपवास उद्या गुरुवारच्या दिवशी ठेवावा. कारण, उद्याची एकादशी उदया तिथीनुसार सुरु होईल. हिंदू धर्मात बहुतेक लोक सण आणि उपवास उदया तिथीनुसार करतात. उदया तिथीला सुरु झालेल्या कुठल्याही तिथीचा प्रभाव पूर्ण दिवस राहातो. त्यामुळे मनात कुठलीही शंका ठेवू नका आणि उद्या आमलकी एकादशीचा उपवास ठेवा. पण, या उपवासाच्या नियमांचं पालन आज सायंकाळपासूनच करा.
हा आहे उपवासाचा मुहुर्त
आमलकी एकादशी उपवासाला दुसऱ्या दिवशी सोडलं जातं. अशात व्रत पारणाचा शुभ मुहूर्त 26 मार्च 2021 दिवशी शुक्रवार सकाळी 06 वाजून 53 मिनिटांपासून ते 08 वाजून 12 मिनिटांपर्यंत असेल. सकाळी स्नान केल्यानंतर एखाद्या गरजू ब्राह्मणाला भोजन देऊन सामर्थ्यानुसार दान-दक्षिणा द्या त्यानंतर उपवासाचं पालन करा.
आजपासूनच उपवासाच्या नियमांचं पालन करा
एकादशी उपवासाचे नियम नियम एका दिवसापूर्वी सूर्यास्तानंतर लागू होतो, त्यामुळे आज सायंकाळी सूर्यास्त होण्यापूर्वी जेवण करुन घ्या, त्यानंतर या नियमांचं पालन करा…
1. जे जेवण कराल ते विना कांदा-लसुनचं सात्विक जेवण असावं.
2. जेवणादरम्यान चुकूनही भात खाऊ नका
3. द्वादशीपर्यंत संयमाने ब्रह्रचर्याचं पालन करा (Amalaki Ekadashi 2021 Know When To Do Vrat And Know The Shubh Muhurt)
4. कुणाबाबतही मनात द्वेश ठेवू नका. कुणाचीही चुगली करु नका आणि खोटंही बोलू नका. मनात देवाचं स्मरण करा
5. उद्या सकाळी लवकर उठून देवासमोर उपवासाचा संकल्प घ्या ओआणि उपवासाला विधी विधानाने पूर्ण करा.
खरमासच्या महिन्यात विष्णू सहस्त्रनामाचं पठन करा, आयुष्यातील सर्व समस्या होतील दूरhttps://t.co/hx2dqeu5Z5#Kharmas2021
— TV9 Marathi (@TV9Marathi) March 18, 2021
Amalaki Ekadashi 2021 Know When To Do Vrat And Know The Shubh Muhurt
संबंधित बातम्या :
