kartiki ekadashi Naivedya Special : कार्तिकी एकादशीला विष्णूंना दाखवा खास नैवेद्य; कमी साहित्यात झटपट तयार करा मेवा पाग
कार्तिकी एकादशी म्हणजेच देव उठणी एकादशीला वेगवेगळे नैवेद्य करण्यासाठी गृहीणींची लगभग सुरू होते. दरवेळीसारखाच तोच शिरा बनवायचा प्लॅन करत असाल तर थांबा यावेळी कायतरी वेगळा बनवा. मेवा पाग नक्कीच ट्राय करा.

देव उठणी एकादशीला म्हणजेच कार्तिकी एकादशीला पूजेसाठी भगवान विष्णूंना हा मेवा पागचा पाकचा अनोखा नैवेद्य दाखवू शकता तसेच उपवास सोडल्यानंतर ही मिठाई खाता येऊ शकते. कमी साहित्यामध्ये तयार होणारी ही गोड मिठाई सणाच्या निमित्ताने घरातील सर्वांसाठी नक्कीच खास ठरेल.
- कार्तिकी एकादशी म्हणजेच देव उठणी एकादशी हा हिंदू धर्मातील महत्त्वाचा सण आहे या दिवशी भगवान विष्णूंचे पूजा करून त्यांना नैवेद्य दाखवला जातो. घरांमध्ये या निमित्ताने वेगवेगळे गोड पदार्थ आणि मिठाई तयार केली जाते. यांना देव उठणी एकादशीला काहीतरी वेगळा आणि चविष्ट बनवायचं असेल तर मेवा पाग हा एक चांगला पदार्थ आहे. सुकामेवा, शेंगदाणे आणि साखरेच्या पाकापासून तयार होणारी ही मिठाई खायला चविष्ट लागते. विशेष म्हणजे हे मिठाई बनवण्यासाठी फार साहित्य लागत नाही, चला तर मग समजून घेऊयात मेवा पाग बनवण्याची सोपी पद्धत
- मेवा पाग बनवण्यासाठी साहित्य : 1 वाटी शेंगदाणे, 1 कप मखाने, 2 वाट्या साखर, 1 कप पाणी, 1 वाटी किसलेलं सुकं खोबरं, तूप आवडीनुसार
- शेंगदाणे आणि मखाने भाजून घ्या. सर्वप्रथम गॅसवर कढई गरम करून त्यामध्ये शेंगदाणे घाला ते व्यवस्थित भाजून घ्या. त्यानंतर कढई थोडं तूप गरम करून मखाने कुरकुरीत आणि सोनेरी होईपर्यंत भाजून घ्या.
- सुकामेव्याची पावडर करा : शेंगदाणे आणि मकान्याची पावडर करा. शेंगदाणे थंड झाल्यानंतर हाताने चोळून त्यांची साल काढा. त्यानंतर मिक्सरमध्ये शेंगदाणे जाडसर वाटून घ्या. मखाण्यांची अशी जाडसर पूड तयार करा. दोन्हींची अगदी बारीक पूड करू नका.
- साखरेचा पाक तयार करा : आता एका कढईत 2 वाट्या साखर 1 कप पाणी घाला. त्यामध्ये 1 चमचा तूप घालून मिश्रण गरम करा. साखर पूर्ण विरघळल्यानंतर पाकाला एकतारी पाक येईपर्यंत उकळवा.
- पाकामध्ये सुकामेवा मिसळा : साखरेचा पाक तयार झाल्यानंतर त्यामध्ये शेंगदाण्याची पूड मकान्याची पूड आणि किसलेलं सुकं खोबरं घाला. सर्व साहित्य पाकामध्ये व्यवस्थित मिसळून घ्या.
- मेवा पाग वड्या तयार करा : आता एका मोठ्या ताटाला किंवा परातीत तूप लावून घ्या त्यामध्ये तयार केलेले मिश्रण पसरवा. साधारण 20 ते 25 मिनिटे ते सेट होण्यासाठी ठेवा मिश्रण घट्ट झाल्यानंतर सुरीने आपल्या आवडीनुसार वड्या कापून घ्या. अशाप्रकारे घरच्या घरी चविष्ट मेवा पाग तयार होईल.
- देव उठणी एकादशीला म्हणजेच कार्तिकी एकादशीला पूजेसाठी भगवान विष्णूंना हा मेवा पागचा पाकचा अनोखा नैवेद्य दाखवू शकता तसेच उपवास सोडल्यानंतर ही मिठाई खाता येऊ शकते. कमी साहित्यामध्ये तयार होणारी ही गोड मिठाई सणाच्या निमित्ताने घरातील सर्वांसाठी नक्कीच खास ठरेल.
Loading...
{{{html}}}
Loading...
Unable to load recommendations.
Follow Us