Ganga Dussehra 2025: गंगा दशहराला ‘हे’ खास उपाय केल्यास घरातील आर्थिक चणचण होईल दूर….
Ganga Dussehra Upay: पंचांगानुसार, गंगा दसरा दरवर्षी ज्येष्ठ महिन्यातील दशमी तिथीला साजरा केला जातो. असे म्हटले जाते की याच दिवशी गंगा माता पृथ्वीवर अवतरली होती. असे मानले जाते की आज काही सोपे उपाय केल्यास व्यक्तीला देवी लक्ष्मीचा आशीर्वाद मिळू शकतो.
सनातन धर्मात गंगा दशहराचे खूप विशेष महत्त्व आहे. धार्मिक मान्यतेनुसार, या दिवशी गंगा माता पृथ्वीवर अवतरली. या दिवशी पवित्र गंगेत स्नान करणे अत्यंत शुभ आणि फलदायी मानले जाते. असे म्हटले जाते की भगीरथाच्या कठोर तपश्चर्येनंतर, देवी लक्ष्मी या दिवशी पृथ्वीवर अवतरली. या दिवसाला ज्येष्ठ दसरा असेही म्हणतात. ज्योतिषशास्त्रात असे काही उपाय सांगितले आहेत, जे गंगा दशहराच्या दिवशी केल्यास व्यक्तीला आर्थिक संकटातून मुक्तता मिळते आणि आर्थिक लाभ होण्याची शक्यता निर्माण होते. हिंदू धर्मामध्ये निसर्गाची आणि नद्यांची पूजा केली जाते. असे केल्यामुळे तुमच्या जीवनातील सर्व समस्या दूर होतात आणि देवी देवतांचे आशिर्वाद तुम्हाला प्राप्त होतात.
वैदिक कॅलेंडरनुसार, ज्येष्ठ महिन्यातील शुक्ल पक्षातील दशमी तिथी 4 जून रोजी रात्री 11:54 वाजता सुरू होईल आणि तिथी 6 जून रोजी पहाटे 2:15 वाजता संपेल. उदय तिथीनुसार, यावेळी गंगा दसऱ्याचा उत्सव 5 जून रोजी साजरा केला जाईल. गंगा दसऱ्याच्या दिवशी गंगा देवीची पूजा केल्यामुळे तुमच्या जीवनातील सर्व समस्या दूर होण्यास मदत होते. गंगा देवीची पूजा केल्यामुळे तुमच्यावर महादेवाचे आशिर्वाद प्राप्त होतो.
गंगा दसऱ्यासाठी ज्योतिषीय उपाय
जर तुम्हाला तुमच्या करिअरमध्ये किंवा व्यवसायात आर्थिक अडचणी येत असतील किंवा तुम्ही कोणतेही नवीन काम सुरू करू शकत नसाल, तर गंगा दशहराच्या दिवशी स्वच्छ कागदावर गंगास्त्रोत्र लिहा आणि त्याची पूजा केल्यानंतर तो कागद पिंपळाच्या झाडाखाली पुरून टाका. असे मानले जाते की असे केल्याने व्यक्तीला प्रगती आणि आर्थिक लाभाची संधी मिळते. गंगा दशहराच्या दिवशी गंगा नदीत स्नान करा. जर शक्य नसेल तर आंघोळीच्या पाण्यात गंगाजल मिसळून आंघोळ करा. त्यानंतर शिवलिंगावर गंगाजल अभिषेक करा आणि तांब्याच्या भांड्यात पाणी, गंगाजल आणि कुमकुम मिसळून सूर्याला अर्घ्य अर्पण करा. असे मानले जाते की जो व्यक्ती असे करतो त्याला त्याच्या कारकिर्दीत यश मिळते.
घरात शांती आणि आनंद टिकवून ठेवण्यासाठी, संपूर्ण घरात गंगाजल शिंपडा. नंतर नारळावर काळा धागा बांधा, शिवलिंगाचे अभिषेक करा आणि संध्याकाळी नारळ वाहत्या पाण्यात तरंगवा. गंगा स्नान केल्यानंतर सुपारी, आंबा, पाण्याने भरलेले भांडे, फळे आणि इतर वस्तू दान करा. असे म्हटले जाते की याद्वारे व्यक्तीला मोक्ष मिळतो आणि त्याचे दुःख दूर होते.
दशहरा एक धार्मिक उत्सव आहे जो भारतीय हिंदू संस्कृतीत साजरा केला जातो. या दिवसाचे महत्त्व म्हणजे या दिवशी गंगा नदी स्वर्गातून पृथ्वीवर अवतरली, अशी मान्यता आहे. या दिवशी गंगेत स्नान केल्याने पाप दूर होतात आणि पुण्य प्राप्त होते, असे मानले जाते. मान्यता आहे की, या दिवशी राजा भागीरथ यांच्या तपश्चर्येने प्रसन्न होऊन गंगा नदी स्वर्गातून पृथ्वीवर अवतरली. गंगेत स्नान केल्याने सर्व पाप नष्ट होतात आणि अक्षय पुण्य मिळते, असे मानले जाते. गंगा दशहरा मोक्ष देणारी मानली जाते, त्यामुळे या दिवशी गंगा मातेची उपासना केल्याने मोक्ष मिळतो. या दिवशी गंगा नदीत स्नान केल्याने पूर्वजांना शांती प्राप्त होते आणि ते मोक्ष प्राप्त करतात, अशी मान्यता आहे. या दिवशी खास योग-संयोग असतो, ज्यामुळे गंगेची पूजा आणि स्नान केल्याने सर्व मनोकामना पूर्ण होतात, असे सांगितले जाते.
