यंदाचे पहिले सूर्यग्रहण फाल्गुन अमावस्येला, भारतात दिसणार की नाही? वाचा…

Solar Eclipse

Image Credit source: TV 9 Marathi

सनातन धर्मात फाल्गुन महिना खूप विशेष आणि महत्त्वाचा मानला जातो. तर या वर्षातील पहिले सूर्यग्रहण फाल्गुन महिन्यात येणार आहे. सूर्यग्रहण ही एक महत्त्वाची खगोलीय घटना मानली जाते. खगोलशास्त्रानुसार जेव्हा चंद्र सूर्य आणि पृथ्वीच्या मध्ये येतो तेव्हा सूर्यग्रहण होते, ज्यामुळे सूर्याला अंशतः किंवा पूर्णपणे झाकले जाते. तसेच सूर्यग्रहण हे नेहमी अमावस्येच्या दिवशी होते.

ज्योतिषशास्त्रानुसार राहू आणि केतू हे ग्रह सूर्यग्रहण करतात. सूर्यग्रहणाची वेळ खूप महत्वाची मानली जाते. तर 2026 चे पहिले सूर्यग्रहण कधी होणार आहे. तसेच हे सूर्यग्रहण भारतात दिसेल का? तसेच या सुर्यग्रहणाचा सुतक काळ भारतात वैध असेल का? आजच्या लेखात याबद्दल जाणून घेऊयात.

सूर्यग्रहण कधी होईल?

2026 मधील पहिले सूर्यग्रहण हे फेब्रुवारी महिन्यामध्ये होणार आहे. तर 17 फेब्रुवारी रोजी फाल्गुन अमावस्या असून या दिवशी सूर्यग्रहण दिसणार आहे. ज्योतिषांच्या मते, हे एक कंकणाकृती सूर्यग्रहण असणार आहे.तर हे कंकणाकृती सुर्यग्रहण तेव्हा होते जेव्हा चंद्र सूर्य आणि पृथ्वीच्या अगदी मध्यभागी येतात आणि चंद्र सूर्याला पूर्णपणे झाकू शकत नाही. यामुळे सूर्य आगीच्या वलयासारखा दिसतो आणि आकारानेही लहान दिसतो. तर हे सुर्यग्रहण एका चमकत्या ब्रेसलेटसारखा दिसतो. खगोलशास्त्रज्ञ याला रिंग ऑफ फायर असेही म्हणतात.

या राशीला सूर्यग्रहण लागणार

2026 मधील हे पहिले सूर्यग्रहण शनीची रास कुंभ राशीत लागणार आहे. या ग्रहणाच्या वेळी सूर्य कुंभ राशीत भ्रमण करेल. सूर्यासोबत राहू देखील कुंभ राशीत असेल. पण या सुर्यग्रहणाचा वाईट प्रभाव या राशीवर पडणार नाही.

हे सूर्यग्रहण भारतात दिसणार नाही

2026 या वर्षातील हे पहिले सूर्यग्रहण 17 फेब्रुवारी रोजी दुपारी 3 वाजून 56 मिनिटांनी सुरू होईल. ते सायंकाळी 7 वाजून 57 मिनिटांनी संपेल. वर्षातील हे पहिले सूर्यग्रहण भारतातून दिसणार नाहीये, त्यामुळे त्याचा आपल्या देशावर कोणताही विशेष परिणाम होणार नाही. शिवाय, भारतात सुतक काळ देखील पाळला जाणार नाही.

या देशांमध्ये दिसणार सूर्यग्रहण

• दक्षिण आफ्रिका
• दक्षिण अर्जेंटिना
• अंटार्क्टिकाचे प्रदेश

( डिस्क्लेमर : वरील माहिती उपलब्ध स्रोतावरून देण्यात आलेली आहे. याच्या तथ्यांबद्दल आम्ही कुठलाही दावा करीत नाही, तसेच अंधश्रद्धेला दुजोरा देत नाही)