स्वतंत्र ओळखीच्या दिशेने एक धाडसी पाऊल, अनाया बांगड हिच्यावर यशस्वी जेंडर-अफर्मिंग सर्जरी
माजी भारतीय क्रिकेटपटू आणि कोच असलेले संजय बांगड यांची कन्या अनाया बांगड हिच्यावर अखेर थायलंड येथे जेंडर-अफर्मिंग सर्जरी यशस्वी झाली आहे.
भारताचा माजी क्रिकेटपटू आणि कोच संजय बांगड यांची मुलगी अनाया बांगड हिच्यावर जेंडर-अफर्मिंग सर्जरी यशस्वी झाली आहे.अनायाने सोशल मीडियावर सांगितले की सर्जरी यशस्वी झाली आणि सध्या ती रिकव्हरीच्या स्टेजमधून जात आहे.अनाया बऱ्याच काळापासून या सर्जरीची वाट पाहात होती आणि मार्चमध्ये थायलंडमध्ये सर्जरी करणार होती. आता तिने पोस्ट करुन तिच्यावरील लिंग बदलाच्या सर्जरीच्या यशाची माहिती दिली आहे.
अनाया हीची सोशल मीडिया पोस्ट
अनाया हिने सोशल मीडिया पोस्टवर लिहीलेय की सर्जरी यशस्वी झाली, थोडे दुखत आहे. आता हळूहळू रिकव्हरी होत आहे. हळूहळू आता पुढे जात आहे. डॉ.चेट आणि WIH इंटरनॅशनल हॉस्पिटलच्या टीमने घेतलेल्या काळजीबद्दल आपण त्यांचे आभार मानत आहोत. एक लांबचा प्रवास होता. आणि हा दिवस या प्रवासाचा एक महत्वपूर्ण टप्पा ठरला. तुमच्या सर्वांचे प्रेम, समर्थन आणि संदेशासाछी धन्यवाद हे माझ्यासाठी खूप महत्वाचे आहे.
पाच वर्षांच्या प्रतीक्षेनंतर प्रवास पूर्ण
अनाया हिने आधी सांगितले होते की हा निर्णय काही अचानक घेतलेला नाही. तिने जवळजवळ पाच वर्षे या क्षणाची वाट पाहिली होती आणि थेरपी, वैद्यकीय तपासणी आणि आत्मनिश्चयानंतर लिंग बदल शस्त्रक्रिया करण्याचा निर्णय घेतला होता. अनायाने म्हटले होते की ती जन्मतःच ज्या लिंगाने जन्माला आली होती त्याच्याशी ती कधीही एकरुप होऊ शकली नाही. म्हणूनच, ही शस्त्रक्रिया तिच्या स्वतःच्या व्यक्तीमत्वाच्या ओळखीच्या प्रवासात एक महत्त्वाची पायरी आहे.
येथे पोस्ट पाहा –
कुटुंबाचा पाठिंबा सर्वात मोठी ताकद
अनायाच्या प्रवासात तिच्या कुटुंबाने दिलेली साथ महत्त्वाची राहिली आहे. तिचा धाकटा भाऊ अथर्व बांगर हा सुरुवातीपासूनच तिच्या पाठीशी ठामपणे उभा राहिला, तर कालांतराने तिच्या पालकांनीही तिला पूर्णपणे स्वीकारले. विशेष म्हणजे, या शस्त्रक्रियेचा संपूर्ण खर्च तिचे वडील संजय बांगर यांनी उचलला आहे. हा क्षण आपल्या आयुष्यातील सर्वात मोठा भावनिक आधार आहे असे तिने म्हटले आहे.
