… म्हणून विश्वविजेता इंग्लंडच्या विजयानंतरही बेन स्टोक्सचे वडील नाराज

लंडन : इंग्लंडने सुपर ओव्हरमध्ये न्यूझीलंडवर मात करत विश्वविजेता होण्याचा मान मिळवला. गेल्या 44 वर्षात पहिल्यांदाच क्रिकेटचा जन्मदाता इंग्लंडला हा मान मिळला. इंग्लंडला विश्वचषक जिंकवून देण्यात अष्टपैलू खेळाडू बेन स्टोक्सने सर्वात मोठी भूमिका निभावली. स्टोक्सच्या कामगिरीचं कौतुक तर सगळीकडेच होतंय. त्याच्य वडिलांनाही मुलाच्या कामगिरीचा अभिमान वोटतोय, पण ते इंग्लंडच्या विजयामुळे नाराज आहेत.

बेन स्टोक्सचा जन्म 4 जून 1991 रोजी न्यूझीलंडमधील ख्राईस्टचर्चमध्ये झाला होता. वयाच्या 12 व्या वर्षी बेन स्टोक्स इंग्लंडमध्ये आला आणि त्याने तिथेच क्रिकेटची सुरुवात केली. हळूहळू बेन स्टोक्स गोलंदाज आणि फलंदाज म्हणूनही उदयास आला, शिवाय इंग्लंडच्या राष्ट्रीय संघातही संधी मिळवली. त्याने आतापर्यंत 52 कसोटी आणि 95 वन डे सामने खेळले आहेत, तर 23 टी-20 सामन्यांमध्येही त्याने इंग्लंडचं प्रतिनिधित्व केलंय.

बेन स्टोक्सचे आई आणि वडील आजही न्यूझीलंडमध्येच राहतात. तर बेन स्टोक्स इंग्लंडमध्ये स्थायिक झालाय. वडील गेरार्ड स्टोक्स यांनी stuff.co.nz शी बोलताना त्यांची प्रतिक्रिया व्यक्त केली. माझ्या भावना आजही न्यूझीलंडसोबतच आहेत. हा विश्वचषक न्यूझीलंडने जिंकावा ही इच्छा होती. पण संधी गमावली, असं ते म्हणाले. शिवाय आमचा संघ ट्रॉफीशिवाय माघारी परतत आहे, पण मुलाच्या कामगिरीबाबत समाधानी असल्याचंही ते म्हणाले.

VIDEO :