CWG 2022: Lawn Bowl मधून भारतासाठी आनंदाची बातमी, सातवं मेडलं निश्चित

भारतीय महिला टीम

मुंबई: कॉमनवेल्थ गेम्स 2022 मध्ये भारतासाठी चौथ्या दिवसाची चांगली सुरुवात झाली आहे. भारतीय महिला टीमने लॉन बॉल मध्ये पदक निश्चित केलं आहे. सेमीफायनल लढतीत भारतीय महिला संघाने न्यूझीलंडला 16-13 असं पराभूत केलं. भारताने न्यूझीलंडला सेमीफायनल मध्ये हरवून फायनल मध्ये जागा मिळवली. भारताचं किमात रौप्यपदक निश्चित झालं आहे. आधी भारतीय संघ 6-1 असा पिछाडीवर पडला होता. पण लवली चौबे, पिंकी, नयनमोनी साइकिया आणि रुपा रानी टिर्की या चौकडीने जोरदार पुनरागमन केलं. आता गोल्ड मेडलसाठी भारतीय संघ दक्षिण आफ्रिकेला भिडणार आहे.

भारताला आतापर्यंत लॉन बॉल मध्ये मेडल मिळवता आलेलं नाही. पहिल्यांदाच भारताने या खेळात आपलं पदक निश्चित केलय. भारतीय संघाच्या मेडलचा रंग कुठला असणार? ते जाणून घेण्यासाठी मंगळवारपर्यंतची वाट पहावा लागणार आहे.