CWG 2022 Live Update: वेटलिफ्टर मीराबाई चानूला गोल्ड मेडल

वेटलिफ्टर मीराबाई चानूला राष्ट्रकूल स्पर्धेत गोल्ड मेडल मिळाले आहे. 49 वयोगटाच्या श्रेणीत तिला गोल्ड मिळेल अशी आशा होती. तिने ती सार्थ करुन दाखवली आहे.

छत्रपती शिवाजी महाराजांच्या महाराष्ट्राने देशाला एका वेगळ्या उंचीवर नेले आहे. मात्र राज्यपाल भगतसिंह कोश्यारी हे याच महाराष्ट्राचा अपमान करीत आहेत. इतकच नाही तर अनेक हुतात्म्यांच्या बलिदानातून उभारलेल्या महाराष्ट्राचा इतका तिरस्कार असेल तर त्यांनी दुसऱ्या कोणत्याही राज्यांत जावे अशी टीका राज्यसभेचे खासदार उदयनराजे भोसले यांनी केली आहे.

वेटलिफ्टर गुरुराजने आपले कांस्यपदक पत्नी सौजन्याला समर्पित केले. गेल्या वर्षीच त्याचा सौजन्याशी विवाह झाला. मात्र, स्पर्धेची तयारी आणि ट्रेनिंगमुळे त्याला पत्नीसह जास्त वेळ घालवता आला नाही.

उद्या मुख्यमंत्री एकनाथ शिंदे गुड न्यूज देऊ शकतात, माजी मंत्री संदीपान भुमरे यांनी ही प्रतिक्रिया दिली आहे. थोड्यात वेळात मुख्यमंत्री एकनाथ शिंदे दिल्लीला रवाना होणार आहेत. या दिल्ली दौऱ्यात मंत्री मंडळ विस्ताराबाबत महत्वाचा निर्णय होण्याची शक्यता आहे.

टेबल टेनिसमध्ये पुरुषांच्या टीम इवेंट मध्ये भारताने नॉर्दन आयर्लंडवर 3-0 ने विजय मिळवला. पहिल्या दोन सामन्यानंतर हरमीत देसाईने ओवन काटकार्टला 3-2 ने हरवून भारताचा विजय निश्चित केला. भारताने हा सामना 3-0 ने विजय मिळवला.

भारताच्या जोश्ना चिनाप्पाने राऊंड ऑफ 32 मध्ये मेगन बेस्टला 11-8,11-9,12-10 असं हरवलं. प्री क्वार्टर फायनल मध्ये तिने आपलं स्थान पक्क केलं.

गुरुराज पुजारीने 61 किलो वजनीगटात कांस्यपदक जिंकलं, त्याने स्नॅच मध्ये 118 किलो आणि क्लीन अँड जर्क मध्ये 151 किलो वजन उचललं. एकूण 269 किलो वजनासह त्याने तिसरं स्थान मिळवलं.

भारतीय महिला हॉकी संघाला सामन्याआधी कोरोनाचा फटका बसला आहे. टीमची स्टार खेळाडू नवजोत कौरला कोरोनाची लागण झाली आहे.

भारताचा बॉक्सर मोहम्मद हसमुद्दीने राऊंड ऑफ 32 मध्ये दक्षिण आफ्रिकेच्या अजमोले दयेयीवर 5-0 ने विजय मिळवला. तो आता राऊंड 16 मध्ये पोहोचला आहे.

कॉमनवेल्थ गेम्स मध्ये भारताला पहिलं पदक मिळवून देणाऱ्या संकेत महादेव सरगरला पंतप्रधान नरेंद्र मोदी यांनी शुभेच्छा दिल्या आहेत.

वेटलिफ्टिंगमध्ये पुरुषांचं 61 किलो वजनी गटात इवेंट सुरु झाला आहे. भारताकडून गुरुराजा या गटात आव्हान देणार आहे.

सुमित रेड्डी आणि चिराग शेट्टीच्या जोडीने दुमिनदु आणि सचिन या श्रीलंकन जोड़ीवर 21-10,21-13 असा विजय मिळवला. भारताने आता मिक्स्ड टीम इवेंट मध्ये श्रीलंकेविरुद्ध 4-0 ची आघाडी मिळवली आहे.

संकेतने कॉमनवेल्थ गेम्स मध्ये भारताला पहिलं पदक मिळवून दिलं आहे. 55 किलो वजनीगटात संकेत यशस्वी ठरला. त्याने रौप्यपदक मिळवून दिलं. क्लीन अँड जर्कच्या दुसऱ्या प्रयत्नात संकेतला दुखापत झाली. पण तरीही त्याने तिसरा प्रयत्न केला. पण यश मिळालं नाही. त्याची सुवर्णपदाकाची संधी हुकली.

भारताच्या महिला टेबल टेनिस टीमने शानदार विजय मिळवला. त्यांनी गयानाच्या संघावर 3-0 असा एकतर्फी विजय मिळवला.

लक्ष्य सेनने मिक्स्ड टीम इवेंट मध्ये पुरुष एकेरीत विजय मिळवला आहे. त्याने श्रीलंकन खेळाडूवर 21-18, 21-5 असा सहज विजय मिळवला. भारताने श्रीलंकेवर 2-0 अशी आघाडी घेतली आहे.

वेटलिफ्टिंग मध्ये संकेतने चांगली सुरुवात केली. त्याने स्नॅचच्या पहिल्या प्रयत्नात 111 किलो वजन उचललं. दुसऱ्या प्रयत्नात 112 किलो वजन उचललं.

अश्विन पोनप्पा आणि सात्विक साईराज जोडीने मिश्र दुहेरीत श्रीलंकेच्या सचिन दास आणि थिलिनि हेंडाहेवा जोडीवर आघाडी घेतली. पहिला गेम जिंकल्यानंतर 21-14, दुसरा गेमही 21-19 खिशात घातला

बॅडमिंटन मध्ये अश्विन पोनप्पा आणि सात्विक साईराज जोडीने पहिला गेम जिंकाल आहे. 21-14 असा त्यांनी गेम जिंकला.

पुरुष वर्ग 55 किलो वजनीगटात सामने सुरु झाले आहेत. भारताकडे संकेत महादेव पदाकासाठी दावेदार आहेय.

1.30 वाजता वेटलिफ्टिंग मध्ये भारताकडून संकेत महादेल 55 किलो वजनीगटात उतरणार आहेत. संकेत भारतासाठी पदकांच खात उघडेल, अशी अपेक्षा आहे. संकेत खेलो इंडिया यूथ गेम्स 2020 आणि खेलो इंडिया युनिवर्सिटी गेम्स 2020 मध्ये चॅम्पियन होता.

Koo App

यंदाच्या राष्ट्रकुल स्पर्धेत १६ वर्षांचा पदकदुष्काळ संपवण्याच्या इराद्यानं सहभागी झालेल्या आपल्या महिला हॉकीपटूंनी जोरदार सुरुवात केली आहे. आपण घानाचा 5-0 असा धुव्वा उडवला. ऑलिम्पिकमध्ये चौथं स्थान पटकावल्यानं संघाचं मनोधैर्य उंचावलेलं आहे. पदकासाठी नारीशक्तीला शुभेच्छा!

– Chandrakant Patil (@ChDadaPatil) 30 July 2022

कॉमनवेल्थ स्पर्धा सुरु झाली आहे. पहिल्याच दिवशी घानाच्या बॉक्सर डोपिंग मध्ये अडकला आहे. त्याने प्रतिबंधित औषधाच सेवन केल्याचं आढळून आलं. प्रतिबंधित औषध सेवनाचा त्याचा रिपोर्ट पॉझिटिव्ह आला.

भारतीय महिला हॉकी संघाने पहिल्या सामन्यात घानावर 5-0 असा दणदणीत विजय मिळवला. आज वेल्स विरुद्ध दुसरा सामना खेळणार आहे.

मीराबाई चानू व्यतिरिक्त भारतीय बॉक्सर्सवर नजरा असतील. भारताचे दिग्गज बॉक्सर्स रिंगमध्ये उतरणार आहेत. यात ऑलम्पिक पदक विजेती लवलीना बोरगोहेन, विश्व चॅम्पियन निकहत जरीन, अमित पंघाल यांचा समावेश आहे.

बर्मिंघम राष्ट्रकुल क्रीडा स्पर्धेचा आज दुसरा दिवस आहे. आज भारताला पहिलं पदक मिळण्याची शक्यता आहे. टोक्यो ऑलिम्पिक मधील रौप्यपदक विजेती मीरबाई चानू 55 किलोग्रॅम वजनी गटात सहभागी होणार आहे.