T20 World Cup मध्ये प्रत्येक वेळी भारताची पाकिस्तानवर सरशी, जाणून घ्या भारत-पाक सामन्यांचा आजवरचा इतिहास
टी - 20 वर्ल्डकपमध्ये भारत आणि पाकिस्तान हे दोन कट्टर प्रतिस्पर्धी आतापर्यंत 5 वेळा भिडले आहेत. विशेष म्हणजे प्रत्येक वेळी पाकिस्तानला भारताच्या हातून पराभूत व्हावे लागले आहे.
टी - 20 वर्ल्डकपमध्ये भारत आणि पाकिस्तान हे दोन कट्टर प्रतिस्पर्धी आतापर्यंत 5 वेळा भिडले आहेत. विशेष म्हणजे प्रत्येक वेळी पाकिस्तानला भारताच्या हातून पराभूत व्हावे लागले आहे. 2007 च्या टी - 20 विश्वचषकापासून हा ट्रेंड अविरत सुरु आहे. या बाबतीत भारताची पाकिस्तानवर 5-0 ने आघाडी आहे. यावेळी टीम इंडिया विजयाचा षटकार लगावू पाहत आहे.
2007 टी -20 विश्वचषक, ग्रुप मॅच, भारत विरुद्ध पाकिस्तान : डरबनमध्ये खेळवलेला हाय व्होल्टेज सामना बरोबरीत संपला. पाकिस्तानला भारताच्या 141 धावांचा पल्ला गाठता आला नाही. मग बॉल आऊटद्वारे निर्णय घेण्यात आला, ज्यामध्ये भारताने पाकिस्तानचा पराभव केला.
2012 टी -20 विश्वचषक, सुपर 8, भारत विरुद्ध पाकिस्तान : यावेळी दोन्ही कट्टर प्रतिस्पर्धी सुपर 8 मध्ये भिडले, ज्यामध्ये भारताने पाकिस्तानचा 8 गडी राखून पराभव केला. श्रीलंकेत खेळवल्या गेलेल्या या स्पर्धेत भारताने पाकिस्तानला 128 धावांत गुंडाळले. प्रत्युत्तरादाखल विराट कोहलीने 61 चेंडूत 78 धावांची नाबाद खेळी खेळून भारताला सामन्यात विजय मिळवून दिला.
2014 टी - 20 विश्वचषक, सुपर 10, भारत विरुद्ध पाकिस्तान : प्रथम खेळताना पाकिस्तानने 20 षटकांत 7 गड्यांच्या बदल्यात 130 धावा केल्या. प्रत्युत्तरादाखल भारताने 3 गड्यांच्या बदल्यात 9 चेंडूं राखून हा सामना जिंकला.
2016 टी - 20 विश्वचषक, सुपर 10, भारत विरुद्ध पाकिस्तान : कोलकाताच्या ईडन गार्डन्समध्ये खेळवण्यात आलेल्या सामन्यातही निकला बदलला नाही. पावसामुळे हा सामना 18-18 षटकांचा खेळवण्यात आला होता. पाकिस्तानने 118 धावा केल्या. प्रत्युत्तरात भारताच्या 3 विकेट्सही लवकर पडल्या. पण विराट कोहली पाकिस्तानला भिडला. त्याने 37 चेंडूत 55 धावांची खेळी खेळत सामना 6 गडी राखून जिंकला.