BAN vs PAK : बांगलादेश विरूद्धच्या पराभवानंतर कोचनेच पाकिस्तानची लाज काढली, काय म्हटलं?
Bangaldesh vs Pakistan 1st Odi : बांगलादेशने पाकिस्तानचा पहिल्याच एकदिवसीय सामन्यात धुव्वा उडवला. बांगलादेश विरूद्धच्या पराभवानंतर हेड कोचनेच पाकिस्तानची लाज काढली आहे. हेड कोच काय म्हणाला हे जाणून घेऊयात.
पाकिस्तान क्रिकेट टीम आयसीसी टी 20i वर्ल्ड कप 2026 स्पर्धेतून बाद झाल्यानंतर बांगलादेश विरूद्धच्या एकदिवसीय मालिकेत विजयी सुरुवात करण्यात अपयशी ठरली. यजमान बांगलादेशने 20i वर्ल्ड कप स्पर्धेच्या सुपर 8 फेरीतून बाहेर पडलेल्या पाकिस्तानचा पहिल्याच सामन्यात 8 विकेट्सने धुव्वा उडवला. बुधवारी 11 मार्च रोजी बांगलादेशची राजधानी ढाका येथील शेरे बांगला स्टेडियममध्ये या सामन्याचं आयोजन करण्यात आलं होतं. बांगलादेशने या सामन्यात पाकिस्तानर दणदणीत विजय मिळवला. बांगलादेशने या सामन्यात एकतर्फी फरकाने पाकिस्तानला लोळवलं. बांगलादेशने या विजयासह 3 सामन्यांच्या एकदिवसीय मालिकेत 1-0 अशा फरकाने आघाडी घेतली. बांगलादेश विरूद्धच्या पराभवानंतर हेड कोचनेच पाकिस्तानची लाज काढली आहे. हेड कोच काय म्हणाला हे जाणून घेऊयात.
बांगलादेशने सामन्यात नाणेफेक जिंकून बॉलिंगचा निर्णय घेतला. पाकिस्तानच्या सलामी जोडीने 41 धावांची संयमी भागीदारी केली. मात्र त्यानंतर बांगलादेशच्या गोलंदाजांनी कमबॅक केलं. बांगलादेशने पाकिस्तानला झटपट झटके दिले. नाहिद राणा याने 5 विकेट्स घेत पाकिस्तानच्या फलंदाजाीचं कंबरडं मोडलं. त्यामुळे पाकिस्तानची स्थिती 9 आऊट 82 अशी स्थिती झाली. मात्र पाकिस्तानच्या जोडीने शेवटच्या विकेटसाठी 41 बॉलमध्ये 32 रन्स केल्या. बांगलादेशने अशाप्रकारे पाकिस्तानला 114 धावांवर गुंडाळलं. त्यानंतर बांगलादेशने 209 बॉलआधी 8 विकेट्सने हा सामना जिंकला. बांगलादेशने 15.1 ओव्हरमध्ये 2 विकेट्स गमावून 115 धावा केल्या. बांगलादेशने या विजयासह 3 सामन्यांच्या मालिकेत विजयी सलामी दिली.
पाकिस्तानच्या फलंदाजांच्या या निराशाजनक कामगिरीनंतर हेड कोच मायकल हेसन यांनी पत्रकार परिषदेला संबोधित केलं. हेसन यांनी या दरम्यान पाकिस्तानच्या निराशाजनक बॅटिंगवर प्रतिक्रिया दिली.
मायकल हेसन काय म्हणाले?
“फलंदाजांनी फार निराशाजनक कामगिरी केली, यात काडीमात्र शंका नाही. फक्त युवा खेळाडूच नाही तर संपूर्ण संघ धारदार बॉलिंगसमोर उघडा पडला. आम्हाला लवकरच परिस्थितीत सुधारावी लागेल”, अशी प्रतिक्रिया मायकल हेसन यांनी दिली.
पाकिस्तानवर मालिका पराभवाची टांगती तलवार
दरम्यान बांगलादेशने पहिल्या विजयासह या 3 सामन्यांच्या मालिकेत आपली बाजू मजबूत केली आहे. बांगलादेशने या विजयासह मालिकेवर 1 हात ठेवला आहे.आता बांगलादेशला सलग आणि एकूण दुसरा सामना जिंकून मालिका आपल्या नावावर करण्याची मोठी संधी आहे. तर पाकिस्तानसाठी दुसरा क्रिकेट सामना हा प्रतिष्ठेचा असणार आहे. त्यामुळे दुसऱ्या सामन्यात सरस ठरतो हे पाहणं महत्त्वाचं ठरणार आहे. दुसरा सामनाही ढाक्यातील शेरे ए बांगला स्टेडियमध्येच होणार आहे. हा सामना शुक्रवारी 13 मार्त रोजी खेळवण्यात येणार आहे.
