Umran Malik 160 KMPH वेगाने टाकला चेंडू, 808 रन्स करणाराही हडबडला

umran-Malik

Image Credit source: PTI

पुणे: सध्या भारतीय क्रिकेटमध्ये उमरान मलिकच्या नावाची चर्चा आहे. मूळचा जम्मू-काश्मीरचा असलेल्या उमरान मलिकने आज क्रिकेटप्रेमींच मन जिंकलय. टीम इंडियात तो आपल स्थान पक्क करताना दिसतोय. या सगळ्यामागे आहे, त्याच्या बॉलिंगमधील प्रचंड वेग. मुंबईत वानखेडे स्टेडियमवर श्रीलंकेविरुद्ध पहिला टी 20 सामना झाला. या मॅचमध्ये उमरान मलिकने 155 किलोमीटर प्रतितास वेगाने चेंडू टाकला. या बॉलमुळे उमरान आंतरराष्ट्रीय क्रिकेटमध्ये भारताकडून सर्वाधिक वेगवान चेंडू टाकणारा गोलंदाज बनलाय. हा रेकॉर्ड झाल्यानंतर उमरान मलिक पुन्हा चर्चेत आहे. 160 किलोमीटर प्रतितास या वेगामुळे. उमरान मलिकची चर्चा सुरु आहे.

उमरानचा मित्र विवरांत शर्मा म्हणाला….

जम्मू-काश्मीरचा फलंदाज विवरांत शर्माने उमरान मलिकच्या वेगाबद्दल माहिती दिलीय. विवरांत उमरान मलिकचा चांगला मित्र आहे. नेट्समध्ये काहीवेळा उमरान 160KMPH वेगात चेंडू टाकतो. उमरानचा तो चेंडू खेळल्यानंतर 135 KMPH वेगाने गोलंदाजी सहज खेळू शकतो. 135 KMPH वेगाची कुठलीही भीती वाटत नाही.

….तर देवच तुम्हाला वाचवेल

विवरांत शर्माने फर्स्ट क्लास, लिस्ट ए आणि टी 20 मध्ये मिळून 808 धावा केल्या आहेत. “नेटमध्ये नो बॉलचा कुठलाही नियम नसतो. त्यामुळे 22 यार्ड 18 यार्ड बनून जातं. त्यावेळी तिथे कोणी उमरानच्या गोलंदाजीच कौतुक केलं, तर देवच तुम्हाला वाचवेल” असं विवरांत म्हणाला.

उमरान मलिक अजून घातक गोलंदाज कशामुळे बनलाय?

उमरान मलिकने श्रीलंकेविरुद्ध किफायती गोलंदाजी केली. त्याने दोन विकेट काढले. या मॅचमध्ये उमरानने एक चेंडू 155 KMPH वेगाने टाकला. या स्पीडमुळे आंतरराष्ट्रीय क्रिकेटमध्ये उमरान भारताचा वेगवान गोलंदाज बनलाय. आता उमरानच लक्ष्य शोएब अख्तरच्या वर्ल्ड रेकॉर्डवर आहे. नेट्समध्ये उमरान काहीवेळा 160 KMPH वेगाने गोलंदाजी करतो. उमरान अशाच वेगात गोलंदाजी करत राहिला, तर लवकरच तो शोएबचा रेकॉर्ड मोडेल. उमरान मलिक आता वेगाबरोबर टप्पा आणि दिशा पकडून गोलंदाजी करतो. त्यामुळे तो अधिक घातक गोलंदाज बनलाय.