IND vs ENG: Virat Kohli पत्नी अनुष्कासोबत देवाच्या भक्तीमध्ये तल्लीन, कीर्तनाचा Video Viral
IND vs ENG: विराट कोहलीची (Virat kohli) खराब फॉर्मशी झुंज सुरु आहे. इंग्लंड दौऱ्यात तो विशेष कमाल दाखवू शकलेला नाही. त्याची बॅट शांतच आहे.
मुंबई: विराट कोहलीची (Virat kohli) खराब फॉर्मशी झुंज सुरु आहे. इंग्लंड दौऱ्यात तो विशेष कमाल दाखवू शकलेला नाही. त्याची बॅट शांतच आहे. विराट कोहलीवरुन माजी क्रिकेटपटूंमध्ये (Former Cricketers) दोन गट पडले आहेत. एक गट विराटचं समर्थन करतोय, दुसऱ्या गटाने त्याला संघाबाहेर करण्याची मागणी केली आहे. या सगळ्या घडामोडींदरम्यान विराट कोहली पत्नी अनुष्का शर्मासोबत (Anushka Sharma) भजन कीर्तनात दंग आहे. माजी कर्णधार विराट कोहलीचे पत्नी अनुष्का शर्मा सोबतचे काही फोटो सोशल मीडियावर व्हायरल होत आहेत. लंडनमध्ये विराट आणि अनुष्का कृष्णदास कीर्तनात दंग झाले होते.
कुठे केलं होतं कीर्तनाचं आयोजन?
भारत आणि इंग्लंड मध्ये सध्या वनडे सीरीज सुरु आहे. दोन्ही संघ मालिकेत 1-1 असे बरोबरीत आहे. भारताने पहिली वनडे 10 विकेटने जिंकली. दुसऱ्यासामन्यात भारतचा 100 धावांनी पराभव झाला. आता तिसरा निर्णायक सामना 17 जुलैला मॅन्चेस्टर मध्ये खेळला जाणार आहे. या आधी कोहली कीर्तनामध्ये दिसला. हा व्हिडिओ व्हायरल होतोय. अमेरिकी गायक कृष्णा दासने लंडनमध्ये या कीर्तनाचं आयोजन केलं होतं. कृष्णा दास यांच्या शिष्यांपैकी एक असलेल्या हनुमान दास यांनी इन्स्टाग्रामवर कोहली आणि अनुष्का सोबतचे फोटो शेयर केले आहेत.
कधी होतं कीर्तन?
लंडनच्या युनियन चापेल मध्ये हा कीर्तन सोहळा आयोजित करण्यात आला होता. 14 आणि 15 जुलैला आयोजन करण्यात आलं होतं. भारत आणि इंग्लंड यांच्यात सीरीज मधला दुसरा वनडे सामनाही लंडन मध्ये झाला. लॉर्ड्सच्या ऐतिहासिक मैदानावर झालेल्या सामन्यात भारताला 100 धावांनी पराभव स्वीकारावा लागला होता. या सामन्यात कोहली 25 चेंडूत 16 धावा करुन आऊट झाला.
ते फक्त तेंडुलकरला समजू शकतं
“आपण या विषयावर बोलत असताना, मी 8 महिन्यापूर्वीच ही गोष्ट सांगितली होती. विराट सध्या ज्या स्थितीमधून चाललाय, ते फक्त सचिन तेंडुलकरला समजू शकतं. विराटने सचिनला फोन करावा. लंचसाठी म्हणून दोघांनी एकत्र भेटलं पाहिजे” असं अजय जाडेजा सोनी सिक्सवर सामन्यानंतरच्या कार्यक्रमात म्हणाला होता.
