IPL 2024 , KKR vs DC : कोलकाता नाईट रायडर्सचा दिल्ली कॅपिटल्सला दणका, 106 धावांनी पराभूत करत गुणतालिकेत मोठी झेप

आयपीएल स्पर्धेत दिल्ली कॅपिटल्स आणि कोलकाता नाईट रायडर्स हे संघ आमनेसामने आले होते. या सामन्यात नाणेफेकीचा कौल कोलकात्याने जिंकला आणि तेव्हापासून पकड मिळवली ती शेवटपर्यंत राहिली. कोलकात्याने दिल्ली कॅपिटल्सला 107 धावांनी पराभूत केलं. या विजयासह कोलकाता नाईट रायडर्सने गुणतालिकेत अव्वल स्थानी झेप घेतली.

IPL 2024 , KKR vs DC : कोलकाता नाईट रायडर्सचा दिल्ली कॅपिटल्सला दणका, 106 धावांनी पराभूत करत गुणतालिकेत मोठी झेप
Follow us
| Updated on: Apr 03, 2024 | 11:23 PM

आयपीएल स्पर्धेत कोलकाता नाईट रायडर्सने दिल्ली कॅपिटल्सला दणका दिला आहे. नाणेफेकीचा कौल जिंकल्यानंतर कोलकाता नाईट रायडर्सने प्रथम फलंदाजी स्वीकारली. फलंदाजी करताना पहिल्या षटकापासूनच गोलंदाजांवर भारी पडले. दिल्ली कॅपिटल्स संघ एका एका विकेटसाठी धडपड करताना दिसले. मात्र सुनील नरीनने त्यांना संधीच दिली नाही. तसेच चौकार आणि षटकारांची आतषबाजी करत गोलंदाजांना सळो की पळो करून सोडलं. सुनील नरीने 39 चेंडूत 7 चौकार आणि 7 षटकारांच्या मदतीने 85 धावा केल्या. तर अंगरिश रघुवंशी याने 27 चेंडूत 54 धावा केल्या. त्याने 5 चौकार आणि 3 षटकार मारले. रसेलनेही आक्रमक खेळी करत 19 चेंडूत 3 षटकार आणि 5 चौकार मारत 41 धावा केल्या. कोलकात्याने 20 षटकात 7 गडी गमवून 272 केल्या आणि विजयासाठी 273 धावा दिल्या. पण दिल्ली कॅपिटल्सला 20 षटकात सर्व गडी गमवून 166 धावा करता आल्या. कोलकात्याने दिल्लीचा 106 धावांनी पराभव केला. तसेच गुणतालिकेत अव्वल स्थानी झेप घेतली.

कोलकात्याने विजयासाठी दिलेल्या 273 धावांचं आव्हान गाठताना दिल्लीची सुरुवात निराशाजनक झाली. संघाच्या 21 धावा असताना पृथ्वी शॉ 10 धावा करून तंबूत परतला. त्यानंतर आलेल्या मिचेल मार्श आणि अभिषेक पोरेल यांना आपलं खातंही खोलता आलं नाही. तर डेविड वॉर्नर स्टार्कच्या गोलंदाजीवर त्रिफळाचीत झाला. दोन सामन्यानंतर स्टार्कला विकेट घेण्यात यश आलं हे विशेष. ऋषभ पंतने आक्रमक खेळी करत काही अंशी डाव सावरण्याचा प्रयत्न केला. 25 चेंडूत 5 षटकार आणि 4 चौकारांच्या मदतीने 55 धावा केल्या. ऋषभ पंत बाद झाल्यानंतर अक्षर पटेल फलंदाजी आला. मात्र फक्त एक चेंडूसाठी हजेरी लावून शून्यावर बाद झाला.  त्यानंतर तळाचे फलंदाजही झटपट बाद होत गेले आणि 107 धावांनी दारूण पराभव झाला.

दोन्ही संघांची प्लेइंग 11

दिल्ली कॅपिटल्स (प्लेइंग इलेव्हन): पृथ्वी शॉ, डेव्हिड वॉर्नर, मिचेल मार्श, ऋषभ पंत (विकेटकीपर/कर्णधार), ट्रिस्टन स्टब्स, अक्षर पटेल, सुमित कुमार, रसिक दार सलाम, एनरिक नॉर्टजे, इशांत शर्मा, खलील अहमद.

कोलकाता नाईट रायडर्स (प्लेइंग इलेव्हन): फिलिप सॉल्ट (विकेटकीपर), सुनील नरेन, व्यंकटेश अय्यर, श्रेयस अय्यर (कर्णधार), रिंकू सिंग, अंगकृष्ण रघुवंशी, आंद्रे रसेल, रमणदीप सिंग, मिचेल स्टार्क, हर्षित राणा, वरुण चक्रवर्ती

Non Stop LIVE Update
लोकसभा निवडणुकीतील कमी जागांवर शरद पवार यांचं मोठं विधान
लोकसभा निवडणुकीतील कमी जागांवर शरद पवार यांचं मोठं विधान.
एअर इंडियाची तेल अवीवमध्ये जाणारी सेवा 30 एप्रिलपर्यत स्थगित
एअर इंडियाची तेल अवीवमध्ये जाणारी सेवा 30 एप्रिलपर्यत स्थगित.
दोन महिन्यामध्ये एकनाथ शिंदे दिसणार नाहीत, प्रकाश आंबेडकरांचं वक्तव्य
दोन महिन्यामध्ये एकनाथ शिंदे दिसणार नाहीत, प्रकाश आंबेडकरांचं वक्तव्य.
बेकायदा फेरीवाल्यांवर थेट कारवाई करा, मुंबई हायकोर्टाचे स्पष्ट आदेश
बेकायदा फेरीवाल्यांवर थेट कारवाई करा, मुंबई हायकोर्टाचे स्पष्ट आदेश.
मोठी बातमी, धनगर आरक्षणाची याचिका सुप्रीम कोर्टानं फेटाळली
मोठी बातमी, धनगर आरक्षणाची याचिका सुप्रीम कोर्टानं फेटाळली.
अजित पवार लोकसभेची एकही जागा जिंकणार नाहीत, पाहा कोणी केलं भाकीत?
अजित पवार लोकसभेची एकही जागा जिंकणार नाहीत, पाहा कोणी केलं भाकीत?.
वर्ध्यात पंतप्रधान मोदींचं मराठीतून भाषण अन् सभास्थळी म्हटला अभंग
वर्ध्यात पंतप्रधान मोदींचं मराठीतून भाषण अन् सभास्थळी म्हटला अभंग.
अमोल कोल्हे हे महागद्दार, धोकेसम्राट आणि...; कुणी केली जहरी टीका?
अमोल कोल्हे हे महागद्दार, धोकेसम्राट आणि...; कुणी केली जहरी टीका?.
राज ठाकरे पहिल्यांदाच धनुष्यबाणाला मत देणार, राहुल शेवाळे काय म्हणाले?
राज ठाकरे पहिल्यांदाच धनुष्यबाणाला मत देणार, राहुल शेवाळे काय म्हणाले?.
नटीला नटी म्हणायचं नाही तर काय...राऊत-पाटलांमधील संवाद कॅमेऱ्यात कैद
नटीला नटी म्हणायचं नाही तर काय...राऊत-पाटलांमधील संवाद कॅमेऱ्यात कैद.