DC vs KKR : दिल्लीच्या 142 धावा, घरच्या मैदानात कोलकाताला विजयापासून रोखणार?
Delhi Capitals vs Kolkata Knight Riders 1st Innings Highlights : आयपीएल 2026 स्पर्धेत आतापर्यंत क्रिकेट चाहत्यांनी सहज 200 पार मजल मारली आहे. मात्र 51 व्या सामन्यात दिल्लीला 150 पारही पोहचता आलं नाही.
दिल्ली कॅपिट्ल्सला आयपीएल स्पर्धेच्या 19 व्या मोसमातील (IPL 2026) 51 व्या सामन्यात घरच्या मैदानात कोलकाता नाईट रायडर्ससमोर 150 धावाही करता आल्या नाहीत. केकेआरने दिल्लीला 20 ओव्हरमध्ये 8 झटके देत 142 धावांवर रोखण्यात यश मिळवलं. त्यामुळे आता कोलकाता नाईट रायडर्स नवी दिल्लीतील अरुण जेटली स्टेडियममध्ये 143 धावा करुन 2 गुणांची कमाई करणार की डीसी 142 रन्सचा यशस्वी बचाव करणार हे पाहणं महत्त्वाचं ठरणार आहे.
केकेआरचा कॅप्टन अजिंक्य रहाणे याने टॉस जिंकून दिल्लीला बॅटिंगसाठी भाग पाडलं. मात्र दिल्लीच्या फलंदाजांना या संधीचा फायदा घेऊन मोठी धावसंख्या उभारता आली नाही. दिल्लीसाठी फक्त तिघांनाच दुहेरी आकडा गाठता आला. दिल्लीसाठी ओपनर पाथुम निसांका याने सर्वाधिक धावा केल्या. पाथुमने 29 बॉलमध्ये 50 धावा केल्या. पाथुमने 172.41 च्या स्ट्राईक रेटने ही खेळी केली. पाथुमने या दरम्यान 3 षटकार आणि 5 चौकार लगावले.
केएल राहुल याने 14 चेंडूत 164.29 च्या स्ट्राईक रेटने 23 धावा केल्या. केएलने या 23 पैकी 16 धावा या चौकारांच्या मदतीने केल्या. केएलने 4 चौकार लगावले. तर अखेरच्या क्षणी आशुतोष शर्मा याने निर्णायक खेळी केली. त्यामुळे दिल्लीला केकेआरसमोर सन्मानजनक आव्हान ठेवता आलं. आशुतोषने 28 बॉलमध्ये 139.29 च्या स्ट्राईक रेटने 39 धावा जोडल्या. आशुतोषने या खेळीत 3 सिक्स आणि 3 फोर लगावले. तर इतर 5 फलंदाजांना दुहेरी आकडाही गाठता आला नाही.
नितीश राणा 8, समीर रिझवी 3, ट्रिस्टन स्टब्स याने 2 तर विपराज निगम याने नाबाद 3 धावा केल्या. तर मिचेल स्टार्क याला भोपळाही फोडता आला नाही. तर लुंगी एन्गिडी याने 1 धाव जोडली. केकेआरकडून 6 पैकी 5 गोलंदाजांनी विकेट मिळवली. अनुकूल रॉय आणि कार्तिक त्यागी या दोघांनी सर्वाधिक 2 विकेट्स मिळवल्या. तर वैभव अरोरा, सुनील नारायण आणि कॅमरुन ग्रीन या तिघांनी दिल्लीच्या प्रत्येकी 1-1 फलंदाजाला मैदानाबाहेरचा रस्ता दाखवला.
लाईव्ह स्कोअरकार्ड
दिल्ली जिंकणार?
दरम्यान दिल्ली जिंकणार का? असा प्रश्न केकेआरला 143 धावांचं लक्ष्य दिल्यानंतर उपस्थित केला जात आहे. दिल्लीने याआधी 3 वेळा 150 आणि त्यापेक्षा कमी धावांचा यशस्वी बचाव केला आहे. दिल्लीने 2023 साली गुजरात टायटन्स विरुद्ध 130 रन्सचा बचाव केला होता. तसेच त्याच वर्षी दिल्लीने हैदराबाद विरुद्ध 144 रन्सचा बचाव केला होता. तर 2009 साली राजस्थान रॉयल्स विरुद्ध 150 धावा करुनही दिल्ली विजयी झाली होती. त्यामुळे दिल्लीच्या चाहत्यांना टीमकडून अशाच कामगिरीची आशा आहे.
