DC vs MI : मुंबईचा मोठा निर्णय, कॅप्टन बदलला, सूर्यकुमार यादव याच्याकडे नेतृत्व
Mumbai Indians Captain : मुंबई इंडियन्स विरुद्ध दिल्ली कॅपिट्ल्स यांच्यातील सामना अरुण जेटली स्टेडियममध्ये आयोजित करण्यात आला आहे. मुंबईने या सामन्यासाठी कर्णधार बदलला आहे.
आयपीएल स्पर्धेच्या 19 व्या मोसमातील आठव्या सामन्यात दिल्ली कॅपिट्ल्स विरुद्ध मुंबई इंडियन्स आमनेसामने आहेत. या सामन्याला दुपारी 3 वाजून 30 मिनिटांनी सुरुवात होणार आहे. त्याआधी 3 वाजता टॉस झाला. होम टीम दिल्लीच्या बाजूने नाणेफेकीचा कौला लागला. कॅप्टन अक्षर पटेल याने फिल्डिंगचा निर्णय घेत मुंबईला बॅटिंगसाठी भाग पाडलं आहे. मुंबईने दिल्ली विरूद्धच्या सामन्यात कर्णधार बदलला आहे. पलटणने हार्दिक पंड्या याच्या जागी मुंबईकर सूर्यकुमार यादव याला नेतृत्वाची जबाबदारी दिली आहे.
मुंबई इंडियन्समध्ये कॅप्टनसह एकूण 3 बदल
सूर्याने टॉससनंतर प्रेझेंटेटर रवी शास्त्री यांच्यासह बोलताना हार्दिकबाबत माहिती दिली. “हार्दिकची तब्येत ठीक नाही. हार्दिक आजच्या मॅचसाठी फिट नव्हता. त्यामुळे मी त्याच्या जागी नेतृत्व करतोय”, असं सूर्याने म्हटलं. पलटणने दीपक चाहर, कॉर्बिन बॉश आणि मिचेल सँटनर या तिघांना संधी दिली आहे. तर हार्दिक पंड्या, ट्रेन्ट बोल्ट आणि अल्लाह गजनफर या तिघांना प्लेइंग ईलेव्हनमधून बाहेर व्हावं लागलं आहे. तर दिल्ली कॅपिट्ल्सने प्लेइंग ईलेव्हनमध्ये कोणताही बदल केलेला नाही.
दिल्ली कॅपिट्ल्स प्लेइंग ईलेव्हन : केएल राहुल (विकेटकीपर), पथुम निसांका, नितीश राणा, अक्षर पटेल (कॅप्टन), ट्रिस्टन स्टब्स, डेव्हीड मिलर, विपराज निगम, लुंगी एनगिडी, कुलदीप यादव, टी नटराजन आणि मुकेश कुमार.
मुंबई इंडियन्स प्लेइंग ईलेव्हन : रोहित शर्मा, रायन रिकेल्टन (डब्ल्यू), टिळक वर्मा, सूर्यकुमार यादव (कर्णधार), नमन धीर, शेरफेन रदरफोर्ड, मिचेल सँटनर, कॉर्बिन बॉश, शार्दुल ठाकूर, दीपक चहर आणि जसप्रीत बुमराह.
