PBKS vs GT IPL Match Result: राहुल तेवतियाचे शेवटच्या दोन चेंडूंवर दोन SIX, गुजरात टायटन्सची विजयाची हॅट्ट्रिक
PBKS vs GT IPL Match Result: क्रिकेट रसिकांना आज आयपीएलमध्ये रोमांचक सामना पहायला मिळाला. शेवटच्या चेंडूपर्यंत रंगलेल्या सामन्यात गुजरात टायटन्सने पंजाब किंग्सवर (GT vs PBKS) शेवटच्या चेंडूवर थरारक विजय मिळवला.
मुंबई: क्रिकेट रसिकांना आज आयपीएलमध्ये रोमांचक सामना पहायला मिळाला. शेवटच्या चेंडूपर्यंत रंगलेल्या सामन्यात गुजरात टायटन्सने पंजाब किंग्सवर (GT vs PBKS) शेवटच्या चेंडूवर थरारक विजय मिळवला. सलामीवीर शुभमन गिलने (Shubhaman Gill) 59 चेंडूत 96 धावांची खेळी करुन विजयाचा पाया रचला, तर राहुल तेवतियाने (Rahul Tewatia) त्यावर कळस चढवण्याचं काम केलं. शेवटच्या षटकात गुजरात टायटन्सला विजयासाठी सहा चेंडूत 19 धावांची गरज होती. पंजाब किंग्सचा ओडियन स्मिथ षटक टाकत होता. स्मिथने पहिला चेंडू वाईड टाकला. विजयासाठी सहा चेंडूत 18 धावा हव्या होत्या. त्यावेळी डेविड मिलरने धाव घेण्याचा प्रयत्न केला. त्यात चांगली फलंदाजी करणारा हार्दिक पंड्या रनआऊट झाला. अखेरच्या दोन चेंडूत विजयासाठी 12 धावांची गरज होती. राहुल तेवितया स्ट्राइकवर होता. त्याने दोन चेंडूत दोन षटकार ठोकून गुजरातला रोमांचक विजय मिळवून दिला.
पंजाब किंग्सने प्रथम फलंदाजी करताना नऊ बाद 189 धावा केल्या. गुजरातला विजयासाठी 190 धावांचे लक्ष्य मिळाले. ते त्यांनी शेवटच्या चेंडूवर पूर्ण केलं. आयपीएलमध्ये डेब्यू करणाऱ्या गुजरातने विजयाची हॅट्ट्रिक केली आहे.
शुभमन गिलने रचला पाया
पंजाब किंग्सने प्रथम फलंदाजी करताना नऊ बाद 189 धावा केल्या. गुजरातला विजयासाठी 190 धावांचे लक्ष्य मिळाले. ते त्यांनी शेवटच्या चेंडूवर पूर्ण केलं. आयपीएलमध्ये डेब्यू करणाऱ्या गुजरातने विजयाची हॅट्ट्रिक केली आहे. तत्पूर्वी गुजरात टायटन्सचा सलामीवीर शुभमन गिलने विजयाचा पाया रचला. त्याने 59 चेंडूत 96 धावांची खेळी केली. यात 11 चौकार आणि एक षटकार होता. शुभमन गिलने 190 सारख्या मोठ्या लक्ष्याचा पाठलाग करताना गुजरातला चांगली सुरुवात करुन दिली. त्याने दुसऱ्या विकेटसाठी साई सुदर्शन बरोबर 101 धावांची भागीदारी केली.
Think last-ball sixes – Miandad, Dhoni come to mind!
Think 2 sixes of the last 2 balls: pic.twitter.com/lW6ugokiO0
— Gujarat Titans (@gujarat_titans) April 8, 2022
मिलरच्या चुकीमुळे हार्दिक रनआऊट
साई सुदर्शनने 35 धावा केल्या. साई सुदर्शन बाद झाल्यानंतर धावगती वाढवण्याची गरज होती. त्यावेळी कॅप्टन हार्दिक पंड्या मैदानात आला. त्याने 18 चेंडूत 27 धावांची खेळी केली. यात पाच चौकार होते. मोक्याच्या क्षणी डेविड मिलरच्या चुकीमुळे तो धावबाद झाला. अखेरीस राहुल तेवतियाने दोन षटकार ठोकून गुजरातला रोमांचक विजय मिळवून दिला.