IPL 2023 Points Table | यंदाच्या पर्वात प्ले-ऑफमध्ये गुजरात टायटन्स फिक्स, आता मुंबई इंडिअन्ससाठी मोठी संधी
IPL 2023 Points Table Purple Cap and Orange Cap : मुंबई इंडिअन्सचं नशीब उचकटलं, आता पॉइंट टेबलला दुसऱ्या स्थानी जाण्याची संधी, नेमकं कसं असणार समीकरण जाणून घ्या.
मुंबई : गुजरात टायटन्स संघाने सनराईजर्स हैदराबाद संघावर विजय मिळवत प्ले-ऑफमध्ये स्थान मिळवलं आहे. या विजयासह आता गुजरातने आपली जागा फिक्स केलीच. तर आता आयपीएलमधील सर्वात यशस्वी संघ असलेल्या मुंबई इंडिअन्स संघासाठीही मोठी संधी आहे. गुजरातने विजय मिळवल्यावर मुंबईला नेमकी कशी काय संधी? असा प्रश्न तुम्हाला पडला असेल. जाणून घ्या नेमकं कसं असणार आहे समीकरण.
| संघ | मॅच | विजय | पराभव | गुण | एनआरआर |
|---|---|---|---|---|---|
| गुजरात टायटन्स | 14 | 10 | 4 | 20 | +0.820 |
| चेन्नई सुपर किंग्स | 14 | 8 | 5 | 17 | +0.652 |
| लखनऊ सुपर जायंट्स | 14 | 8 | 5 | 17 | +0.284 |
| मुंबई इंडियन्स | 14 | 8 | 6 | 16 | -0.044 |
| राजस्थान रॉयल्स | 14 | 7 | 7 | 14 | +0.148 |
| आरसीबी | 13 | 7 | 6 | 14 | -0.128 |
| केकेआर | 14 | 6 | 8 | 12 | -0.229 |
| पंजाब किंग्स | 14 | 6 | 8 | 12 | -0.304 |
| दिल्ली कॅपिटल्स | 14 | 5 | 9 | 10 | -0.808 |
| सनरायजर्स हैदराबाद | 13 | 4 | 9 | 08 | -0.558 |
गुजरात टायटन्सने पॉइंट टेबलमध्ये आपलं पहिलं स्थान पक्कं केलं आहे. पॉइंट टेबलवर नजर मारलीत तुमच्या लक्षात येईल की सीएसकेचे 18 गुण काही होणार नाहीत. मुंबईने राहिलेल्या सामन्यात विजय मिळवला तर मुंबईला दुसऱ्या स्थानी जाण्याची संधी आहे. मुंबईचा मंगळवारी सामना लखनऊ सुपर जायंट्स आणि शेवटचा हैदराबादसोबत आहे. या दोन्ही सामन्यांमध्ये पलटणला विजय मिळवावा लागणार आहे. सीएसकेचा आता दिल्लीसोबत सामना असून त्यांनी विजय मिळवला तरी 17 गुण होणार आहेत.
आजच्या सामन्याचा धावता आढावा
गुजरात संघाची सुरूवात खराब झाली होती. भुवनेश्वर कुमारने साहाला शून्यावरच माघारी पाठवलं होतं. मात्र त्यानंतर साई सुदर्शन आणि शुबमन गिल यांनी भागीदारी करत संघाचा डाव सावरला. दोघांनंतर गुजरातचे इतर फलंदाज ढेपाळले. भुवीने पाच विकेट्स घेत चमकदार कामगिरी केली. 20 ओ्व्हरमध्ये गुजरातने 188 धावा केल्या होत्या.
हैदराबाद संघ लक्ष्याचा पाठलाग करण्यासाठी उतरल्यावर त्यांची सुरूवात एकदम खराब झाली होती. अभिषेक शर्मा 4 धावा, राहुल त्रिपाठी 1 धाव, एडन मार्कराम 10 धावा, अब्दुल समद 4 धावा, सनवीर सिंग 7 धावा या सुरूवातीच्या खेळाडूंना मोठी खेळी करता आली नाही. फक्त हेनरिक क्लासेन 64 धावा आणि भुवनेश्वर कुमार 27 धावा यांनी झुंज सुरू ठेवली होती. पण दोघे संघाला काही विजय मिळवून देण्यात यशस्वी ठरले नाहीत. आज झालेल्या पराभवानंतर दिल्ली कॅपिटल्सनंतर स्पर्धेबाहेर होणार हैदराबाद दुसरा संघ ठरला आहे.
सनरायजर्स हैदराबाद प्लेइंग इलेव्हन | एडन मार्कराम (कर्णधार), अभिषेक शर्मा, राहुल त्रिपाठी, हेनरिक क्लासेन (विकेटकीपर), अब्दुल समद, सनवीर सिंग, मयंक मार्कंडे, मार्को जानसेन, भुवनेश्वर कुमार, फजलहक फारुकी आणि टी नटराजन.
गुजरात टायटन्स प्लेइंग इलेव्हन | हार्दिक पांड्या (कॅप्टन), शुबमन गिल, ऋद्धिमान साहा (विकेटकीपर), साई सुधारसन, डेव्हिड मिलर, दासून शनाका, राहुल तेवतिया, मोहित शर्मा, राशिद खान, मोहम्मद शमी आणि नूर अहमद.