Kavya Maran Marriage: करोडपती काव्या मारनचं लग्न ठरलं! होणारा पती किती श्रीमंत, संपत्तीचा आकडा थक्क करणारा!

आयपीएल दरम्यान सनरायझर्स हैदराबाद संघाला कायम प्रोत्साहन देणारा सुंदर चेहरा म्हणून काव्या मारन यांच्याकडे पाहिलं जातं. सनरायझर्स हैदराबाद संघाची सीईओ काव्या मारन तिच्या सौंदर्यामुळे कायम चर्चेत राहिली आहे. आता काव्या मारन लग्नबंधनात अडकणार असल्याची बातमी समोर आली आहे. काव्या मारनचा वाढदिवस नुकताच पार पडला. 8 ऑगस्टला पार पडलेल्या वाढदिवसाच्या सोहळ्यानंतर लग्नाचं ठिकाण, इतर व्यवस्थेबाबत महत्त्वाचे निर्णय घेतल्याची सूत्रांची माहिती आहे. काव्या मारन आणि संगीतकार अनिरूद्ध रविचंदर 11 नोव्हेंबर 2026 रोजी लग्न बंधनात अडकतील असं सांगितलं जात आहे. दोन्ही कुटुंबियांनी याबाबत गोपनीयता बाळगली असली तरी, मिळालेल्या माहितीनुसार, ग्रीसमधील डेस्टिनेशन वेडिंगसाठी निवडलेल्या इव्हेंट मॅनेजमेंट टीम्सनी आंतरराष्ट्रीय प्रवासाची व्यवस्था, पाहुण्यांचे व्हिसा आणि सुरक्षेची व्यवस्था हाताळण्यास सुरुवात केली आहे.

काव्या मारनचा होणारा नवरा नेमका काय करतो?

काव्या मारन कोट्याधीश आहे याबाबत अनेकांना माहिती आहे. काव्या मारनची संपत्ती अंदाजे 400 ते 500 कोटींच्या घरात आहे. पण तिचा होणारा नवरा किती संपत्तीचा मालक आहे? याबाबत उत्सुकता आहे. आतापर्यंत त्याने काय काम केलं आहे? त्याची ओळख काय? असे प्रश्न अनेकांना पडले आहेत. त्याची सर्व उत्तरं तुम्हाला पुढे मिळतील. अनिरुद्ध रविचंदर हा दक्षिण भारतीय चित्रपटसृष्टीतील यशस्वी आणि लोकप्रिय संगीतकार आहे. 2011-12 मध्ये जगभर गाजलेल्या ‘Why This Kolaveri Di’ या गाण्याचे संगीत देऊन अनिरुद्धने करिअरची धमाकेदार सुरूवात केली होती. अनिरुद्धने रजनीकांत यांचा ‘जेलर’, थलपथी विजयचा ‘लिओ’ आणि शाहरुख खानचा ‘जवान’ यांसारख्या बिग बजेट चित्रपटांना संगीत दिलं. यावरून त्याच्या कामाची पोचपावती मिळते.

अनिरूद्ध रविचंदरची संपत्ती किती?

प्रसिद्ध संगीतकार आणि गायक असलेल्या अनिरुद्ध रविचंदरची अंदाजे संपत्ती 50 ते 60 कोटींच्या घरात असण्याची शक्यता आहे. त्याच्या संपत्तीबाबत अधिकृत माहिती नाही. पण मॅजिक ब्रिक्सच्या रिपोर्टनुसार, त्याची संपत्ती अंदाजे 60 कोटींच्या घरात असण्याची शक्यता आहे. अनिरूद्ध देशातील महागड्या संगीतकारांपैकी एक आहे. त्याला एका चित्रपटसाठी अंदाजे 8 ते 10 कोटी मानधन मिळतं. तर देश विदेशात होणाऱ्या संगीत कार्यक्रमातून कोट्यवधींची कमाई होते. अनेक नामांकित ब्रँड्सचा चेहरा असल्याने जाहिरातीतूनही पैसे मिळतात. अनिरुद्धने ‘VS Mani & Co’ या फिल्टर कॉफी स्टार्टअपमध्ये सह-संस्थापक आणि ब्रँड अ‍ॅम्बेसेडर म्हणून गुंतवणूक केल्याचं बोललं जात आहे. इतकंच काय तर चेन्नईत त्याचं अलिशान घर आहे. पण काव्या मारनची संपत्ती अनिरूद्धच्या संपत्तीच्या तुलनेत दहा पटीने अधिक आहे हे देखील तितकंच खरं आहे.