MS Dhoni Bollywood Debut : धोनी बॉलिवूड चित्रपटात अभिनय करणार? कॅप्टन कूल म्हणतो…
भारतीय क्रिकेट संघाचा (Indian Cricket Team) माजी कर्णधार महेंद्रसिंह धोनी (MS Dhoni) ने गेल्या वर्षी ऑगस्टमध्ये आंतरराष्ट्रीय क्रिकेटमधून निवृत्ती जाहीर केली. तथापि, तो इंडियन प्रीमियर लीगमध्ये (Indian Premier League) चेन्नई सुपरकिंग्जकडून (Chennai Superkings) खेळत आहे.
मुंबई : भारतीय क्रिकेट संघाचा (Indian Cricket Team) माजी कर्णधार महेंद्रसिंह धोनी (MS Dhoni) ने गेल्या वर्षी ऑगस्टमध्ये आंतरराष्ट्रीय क्रिकेटमधून निवृत्ती जाहीर केली. तथापि, तो इंडियन प्रीमियर लीगमध्ये (Indian Premier League) चेन्नई सुपरकिंग्जकडून (Chennai Superkings) खेळत आहे. क्रिकेट व्यतिरिक्त, धोनी जाहिरातींमध्येही दिसतो. नुकत्याच रिलीज झालेल्या आयपीएल 2021 च्या जाहिरातीत धोनीचा हटके अंदाज पाहायला मिळाला. धोनीच्या अनेक चाहत्यांनी त्याला बॉलिवूडमध्ये एंट्री करण्याचा सल्लाही दिला आहे, पण आपल्या बॉलिवूड पदार्पणाबद्दल त्याने काय विचार केलाय याचा खुलासा नुकताच धोनीने केला आहे. (MS Dhoni Bollywood Debut : Will Dhoni step into Bollywood? Cricketer gave a funny answer)
धोनीचा बायोपिक बनवण्यात आला आहे, ज्यामध्ये अभिनेता सुशांत सिंह राजपूतने त्याची भूमिका साकारली होती. धोनीने त्याच्या बायोपिकमध्ये स्वतःचे पात्र साकारावे, अशी मागणी त्या वेळी अनेक लोक करत होते, पण एक क्रिकेटपटू दीर्घकाळ कॅमेऱ्यासमोर राहू शकत नाही, असे धोनीला वाटते. इंडिया टुडेच्या एका वृत्तानुसार, धोनी म्हणतो की, तो निवृत्तीनंतर बॉलिवूडमध्ये पाऊल टाकण्याचा विचारही करत नाही, कारण त्याला वाटते की, अभिनय करणे सोपे नाही.
धोनी नेमकं काय म्हणाला?
रिपोर्टनुसार, धोनी म्हणाला, तुम्हाला माहित आहे बॉलिवूड खरोखर माझ्यासाठी नाही. तुम्ही जाहिरातींबद्दल बोलत असाल तर त्यात मी जे काही करतोय, करु शकतो, त्यातच मी आनंदी आहे. जेव्हा चित्रपटांचा प्रश्न येतो तेव्हा मला वाटते की हा एक अतिशय कठीण व्यवसाय आहे आणि ते करणे खूप कठीण आहे. मी ते फिल्मी स्टार्सवर सोपवतो, कारण ते खरोखरच चांगले आहेत. मी क्रिकेटशी जोडलेला असेन. मी फक्त जाहिरातींद्वारे अभिनयच्या जवळ येऊ शकतो, पण त्यापेक्षा जास्त नाही.
बॉलिवूड चित्रपटात कॅमिओ
खूप कमी लोकांना माहित आहे की धोनीने एका बॉलिवूड चित्रपटात कॅमिओ केला होता, पण त्याचा चित्रपट कधीच प्रदर्शित झाला नाही. ‘हुक या क्रूक’ असे या चित्रपटाचे नाव होते, हा चित्रपट डेव्हिड धवन दिग्दर्शित करत होते. या चित्रपटात जॉन अब्राहम आणि श्रेयस तळपदे सारखे कलाकार मुख्य भूमिकेत होते. या चित्रपटाचे शूटिंग 2010 मध्ये सुरू झाले. या चित्रपटाची कथा एका अशा मुलाची होती ज्याचे स्वप्न आहे भारतीय क्रिकेट संघात सामील होण्याचे, पण दुर्दैवाने त्याचा प्रवास तुरुंगातच संपतो. या चित्रपटात धोनीने एक कॅमिओ केला होता, परंतु काही कारणामुळे शूटिंग नंतर पूर्ण होऊ शकले नाही आणि या चित्रपटाचं कायमचं पॅकअप करण्यात आलं.
नुकतेच हरभजन सिंग आणि इरफान पठाण सारख्या क्रिकेटपटूंनी निवृत्तीनंतर चित्रपटात पदार्पण केले आहे. हरभजन सिंगचा चित्रपट फ्रेंडशिप गेल्या महिन्यात रिलीज झाला. त्याचबरोबर इरफान पठाण कोब्रा या चित्रपटात दिसला होता. या दोन खेळाडूंच्या आधी विनोद कांबळी, अजय जडेजा आणि ऑस्ट्रेलियाचा माजी क्रिकेटपटू ब्रेट ली देखील चित्रपटांमध्ये दिसले आहेत. अशा परिस्थितीत धोनीचे चाहतेही त्याला सिनेमाच्या रुपेरी पडद्यावर पाहण्यासाठी उत्सुक आहेत.
इतर बातम्या
(MS Dhoni Bollywood Debut : Will Dhoni step into Bollywood? Cricketer gave a funny answer)