दुबई: टी20 विश्वचषकातील (ICC T20 World Cup) आज सेमीफायनलचा दुसरा सामना ऑस्ट्रेलिया विरुद्ध पाकिस्तान (Australia vs Pakistan) या संघात खेळवण्यात येणार आहे. दोन्ही संघासाठी अतिशय महत्त्वाचा असणाऱ्या या सामन्यात दोन्ही संघ विजयासाठी सर्व शक्य प्रयत्न करणार हे नक्की. त्यात पाकिस्तान संघासाठी मात्र आजची लढत अतिशय अवघड ठरणार आहे. याचे कारणही आतापर्यंतचे ऑस्ट्रेलिया आणि पाकिस्तान संघातील सामनेच आहेत.
सेमीफायनलमध्ये पोहोचण्यासाठी पाकिस्तानच्या संघाची कामगिरी सर्वात भारी आहे. सुपर 12 फेरीत 5 पैकी 5 सामने जिंकत 10 गुणांसह त्यांनी ही फेरी गाठली आहे. तर दुसरीकडे ग्रुप 1 मधून आलेल्या ऑस्ट्रेलिया संघाने नेही 5 पैकी 4 सामने जिंकत 8 गुणांसह सेमीफायनल गाठली आहे. आज दुबईच्या आंतरराष्ट्रीय मैदानात पाकिस्तान विरुद्ध ऑस्ट्रेलिया हे संघ आमने-सामने भिडणार आहेत. पण आतापर्यंतचा विश्वचषकातील दोघांचा आमना-सामना पाहता पाकिस्तानसाठी विजय मिळवणं मोठं आव्हान असणार आहे.
पाकिस्तानी संघाने ऑस्ट्रेलियाविरुद्ध विश्वचषकात विजय मिळवलेला नाही. 1987 वर्ल्ड कप सेमीफायनलमध्ये पाकिस्तानला ऑस्ट्रेलियाने मात दिली होती. त्यानंतर 1999 फायनलमध्येही पाकिस्तानने ऑस्ट्रेलियासमोर गुडघे टेकले होते. 2010 टी20 वर्ल्ड कपच्या सेमीफायनलमध्ये पाकिस्तान पुन्हा ऑस्ट्रेलियाकडून पराभूत झाला. 2015 वर्ल्ड कपच्या क्वॉर्टर फायनलमध्ये पाकिस्तानला ऑस्ट्रेलियाने मात दिली. त्यामुळे आजही पाकिस्तानला विजय मिळवताना मेहनत करावी लागणार हे नक्की.
पाकिस्तान संघ: मोहम्मद रिजवान, बाबर आजम (कर्णधार), शादाब खान, फखर जमान, मोहम्मद हाफीज, शोएब मलिक, हॅरिस रउफ, हसन अली, इमाद वसीम, हैदर अली, शाहीन आफ्रीदी
ऑस्ट्रेलिया संघ: डेव्हिड वॉर्नर, आरॉन फिंच (कर्णधार), मिचेल मार्श, ग्लेन मॅक्सवेल, स्टीव्ह स्मिथ, मार्कस स्टॉयनिस, मॅथ्यू वॅड, पॅट कमिन्स, मिचेल स्टार्च, अॅडम झाम्पा, जोश हॅजलवुड.
इतर बातम्या
(Pakistans world cup record against australia is very bad they may loose today)