PBKS vs RCB IPL 2023 Highlight | विराट कोहलीच्या नेतृत्वात आरसीबीला सूर गवसला, पंजाबवर मिळवला 24 धावांनी विजय

रॉयल चॅलेंजर्स बंगळुरुने पहिल्यांदा फलंदाजी करताना 4 गडी गमवून 20 षटकात 174 धावा केल्या. विजयासाठी 175 धावांचं आव्हान पंजाब किंग्स समोर होतं. पण पंजाबचा संघ 18.2 षटकात सर्वबाद 150 धावा करू शकला.

आरसीबीने पंजाबवर 24 धावांनी विजय मिळवत स्पर्धेतील आपलं आव्हान कायम ठेवलं आहे. आरसीबीच्या विजयानंतर सहा संघांमध्ये जबरदस्त चुरस निर्माण झाली आहे.

बंगळुरुने दिलेल्या विजयी धावांचा पाठलाग करताना पंजाबचा डाव सुरुवातीलाच अडखळला. आघाडीचे तीन फलंदाज झटपट बाद झाले. अथर्व तायडेच्या रुपाने पहिला धक्का बसला. अवघ्या 4 धावांवर असताना मोहम्मद सिराजने त्याला तंबूचा रस्ता दाखवला. त्यानंतर आलेल्या मॅट शॉर्टला वनिंदू हसरंगाने त्रिफळाचीत केलं. तो 8 या धावसंख्येवर असताना बाद झाला. त्यानंतर लायम लिविंगस्टोनही काही खास करू शकला नाही. मोहम्मद सिराजच्या गोलंदाजीवर 2 धावा असताना बाद झाला. त्यानंतर हरमनप्रीत भाटीया धावचीत झाला. त्यामुळे संघावरील दडपण वाढलं.

पंजाब किंग्सला लायम लिविंगस्टोनच्या रुपाने तिसरा धक्का बसला आहे.

मुंबई : आयपीएलचा 27 वा सामना रॉयल चॅलेंजर्स बंगळुरु आणि पंजाब किंग्स यांच्यात सुरु आहे. या सामन्यात बंगळुरुने 20 षटकात 4 गडी गमवून 174 धावा केल्या. पंजाब किंग्सला विजयासाठी 175 धावांचं आव्हान दिलं आहे. विराट आणि फाफने चांगली सुरुवात करून दिली, पण संघासाठी मोठी धावसंख्या उभारता आली नाही. विराट कोहलीने 59, तर फाफने 84 धावांची खेळी केली.

विराट कोहली आणि फाफ डू प्लेसिस या जोडीने संघाला चांगली सुरुवात करून दिली. पहिल्या गड्यासाठी दोघांनी 137 धावांची भागीदारी केली. विराट कोहली 47 चेंडूत 59 धावा करून बाद झाला. यात 5 चौकार आणि 1 षटकाराचा समावेश आहे. त्यानंतर फलंदाजीसाठी आलेला ग्लेन मॅक्सवेल आपलं खातंही खोलू शकला नाही. फाफ डू प्लेसिसने संघाचा डाव सावरण्याचा प्रयत्न केला. मात्र नाथन एलिसच्या गोलंदाजीवर 84 धावांवर बाद झाला. दिनेश कार्तिकही काही विशेष करू शकला नाही त्याने 5 चेंडू 7 धावा केल्या.

हरप्रीत ब्रारनं दोन तर अर्शदीप सिंह आणि नाथन एलिसने प्रत्येकी एक गडी बाद केला.

विराट कोहली आणि फाफ डू प्लेसिसने पंजाबविरुद्धच्या सामन्यात आक्रमक खेळीने सुरुवात केली.

रॉयल चॅलेंजर्स बंगळुरू (प्लेइंग इलेव्हन): विराट कोहली (कर्णधार), फाफ डू प्लेसिस, महिपाल लोमरोर, ग्लेन मॅक्सवेल, शाहबाज अहमद, दिनेश कार्तिक (विकेटकीपर), वानिंदू हसरंगा, सुयश प्रभुदेसाई, हर्षल पटेल, वेन पारनेल, मोहम्मद सिराज

पंजाब किंग्ज (प्लेइंग इलेव्हन): अथर्व तायडे, मॅथ्यू शॉर्ट, हरप्रीत सिंग भाटिया, लियाम लिव्हिंगस्टोन, सॅम करन (कर्णधार), जितेश शर्मा (विकेटकीपर), शाहरुख खान, हरप्रीत ब्रार, नॅथन एलिस, राहुल चहर, अर्शदीप सिंग

फाफ डु प्लेसिसला बरं वाटत नसल्याने तो आज इम्पॅक्ट प्लेयर म्हणून खेळणार आहे. फलंदाजी करेल पण क्षेत्ररक्षण करणार नाही.

पंजाब किंग्सने नाणेफेकीचा कौल जिंकत प्रथम गोलंदाजी करण्याचा निर्णय घेतला आहे. शिखर धवन या सामन्यातही खेळणार नाही.

विराट कोहलीकडे आरसीबीचं कर्णधारपद

मोहालीतील आयएस बिंद्रा स्टेडियममधील खेळपट्टी फलंदाजीसाठी अनुकूल आहे. या मैदानावर मोठी धावसंख्या करता येईल. पण गोलंदाजांचा चांगलाच कस लागणार आहे. नाणेफेक जिंकल्यानंतर दोन्ही संघ प्रथम गोलंदाजी करण्यावर भर देतील. कारण विजयी लक्ष्याचा पाठलाग करणं संघांना आवडेल.

रॉयल चॅलेंजर्स बंगळुरुची संभावित प्लेइंग-11 (पहिली फलंदाजी घेतली तर..): फॉफ-डू-प्लेसिस (कर्णधार), विराट कोहली, महिपाल लोमरोर, ग्लेन मॅक्सवेल, सुयश प्रभुदेसाई, दिनेश कार्तिक (विकेटकीपर), शाहबाज अहमद, वानेंदु हसरंगा, हर्षल पटेल, वायने पार्नेल, मोहम्मद सिराज.

रॉयल चॅलेंजर्स बंगळुरुची संभावित प्लेइंग-11 (पहिली गोलंदाजी घेतली तर..): फाफ-डू-प्लेसिस (कर्णधार), विराट कोहली, महिपाल लोमरोर, ग्लेन मॅक्सवेल, दिनेश कार्तिक (विकेटकीपर), शाहबाज अहमद, वानेंदु हसरंगा, हर्षल पटेल, वायने पार्नेल, विजय कुमार विशाक, मोहम्मद सिराज.

RCB इम्पॅक्ट प्लेयर्स: सुयश प्रुभदेसाई/विजय कुमार विशाक

पंजाब किंग्सची संभावित प्लेइंग-11 (फलंदाजी घेतली तर): शिखर धवन (कर्णधार) प्रभसिमरन सिंह, मॅथ्यू शॉर्ट, हरप्रीत सिंह, सिकंदर रजा, जितेश शर्मा (विकेटकीपर), सॅम करन, शाहरुख खान, हरप्रीत बरार, कागिसो रबाडा, अर्शदीप सिंह.

पंजाब किंग्सची संभावित प्लेइंग-11 (गोलंदाजी घेतली तर): पंजाब किंग्स की संभावित प्लेइंग-11 (पहले बल्लेबाजी): शिखर धवन मॅथ्यू शॉर्ट, हरप्रीत सिंह, सिकंदर रजा, जितेश शर्मा (विकेटकीपर), सॅम करन, शाहरुख खान, हरप्रीत बरार, कागिसो रबाडा, अर्शदीप सिंह, राहुल चाहर.

PBKS इम्पॅक्ट प्लेयर्स: प्रभसिमरन सिंह/राहुल चाहर

पंजाबचा पूर्ण : शिखर धवन, भानुका राजपक्षे, जितेश शर्मा, प्रभसिमरन सिंह, अथर्व तायडे, हरप्रीत बरार, लियम लिविंगस्टन, राज अंगद बावा, मॅथ्यू शॉर्ट, ऋषि धवन, शाहरुख खान, अर्शदीप सिंह, बलतेज सिंह, कागिसो रबाडा, नाथन एलिस, राहुल चाहर, सैम कर्रन, सिकंदर रजा, हरप्रीत भाटिया, विद्धवत, मोहित राठी, शिवम सिंह.

बंगळुरुचा पूर्ण स्क्वॉड : फाफ डु प्लेसी, विराट कोहली, कर्ण शर्मा, महिपाल लोमरोड, ग्लेन मॅक्सवेल, वानिंदु हसारंगा, आकाश दीप, सुयश प्रभुदेसाई, शाहबाज अहमद, हर्षल पटेल, डेविड विली, मोहम्मद सिराज, जॉश हेझलवुड, सिद्धार्थ कौल ,हिमांशु शर्मा, मनोज भंडागे, अविनाश सिंह, राजन कुमार, सोनू यादव, रजत पाटीदार, दिनेश कार्तिक, अनुज रावत, फिन एलेन आणि रीस टॉपले.

पंजाब किंग्स आणि रॉयल चॅलेंजर्स बंगळुरु यांच्या आतापर्यंत 30 सामने खेळले गेले आहेत. यापैकी 17 सामन्यात पंजाबने, तर 13 सामन्यात आरसीबीने विजय मिळवला आहे. त्यामुळे आकडेवारीनुसार पंजाबचा संघ वरचढ दिसून येत आहे.