AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

SA vs AFG: अफगाणिस्तानचं आव्हान संपुष्टात, पराभवानंतर कॅप्टन राशिदने काय म्हटलं?

Rashid Khan Post Match Presentation: राशिद खान याच्या नेतृत्वात अफगाणिस्तानचं टी 20 वर्ल्ड कप स्पर्धेतील अंतिम फेरीत पोहचण्याचं स्वप्न भंगलं. कॅप्टन राशिद खान या पराभवानंतर काय म्हणाला?

SA vs AFG: अफगाणिस्तानचं आव्हान संपुष्टात, पराभवानंतर कॅप्टन राशिदने काय म्हटलं?
rashid khan post match presentation
Sanjay patil
Sanjay patil | Updated on: Jun 27, 2024 | 9:08 AM
Share

दक्षिण आफ्रिका टीमने इतिहास रचला आहे. दक्षिण आफ्रिका आयसीसी टी 20 वर्ल्ड कप 2024 स्पर्धेतील अंतिम फेरीत धडक मारली आहे. दक्षिण आफ्रिकेला एकूण 7 वेळा सेमी फायनलमध्ये पराभूत झाल्यानंतर वर्ल्ड कप स्पर्धेत आठव्या प्रयत्नात अंतिम फेरीत पोहचण्यात यश आलं. दक्षिण आफ्रिकेचा या नवव्या टी 20 वर्ल्ड कप स्पर्धेतील हा सलग आठवा विजय ठरला. दक्षिण आफ्रिकेने अफगाणिस्तानकडून विजयासाठी मिळालेलं 57 धावांचं आव्हान हे 1 विकेट गमावून पूर्ण केलं. अफगाणिस्तानचं या पराभवासह आव्हान संपुष्टात आल. अफगाणिस्तानने या स्पर्धेत उल्लेखनीय कामगिरी केली. अफगाणिस्तानने साखळी आणि सुपर 8 मध्ये न्यूझीलंड- ऑस्ट्रेलिया सारख्या संघांना पराभूत करत इथवर मजल मारली. मात्र अखेर सेमी फायनलमध्ये त्यांचा प्रवास संपला. या पराभवानंतर अफगाणिस्तानचा कॅप्टन राशिद खान याने काय म्हटलं जाणून घेऊयात.

राशिद खान काय म्हणाला?

“आमच्या टीमसाठी ही एक आव्हानात्मक रात्र होती. आम्ही कदाचित चांगली कामगिरी करु शकलो असतो, पण परिस्थितीने आम्हाला हवं ते करू दिलं नाही. T20 क्रिकेट हे असेच आहे, तुम्हाला सर्व परिस्थितींसाठी तयार असणं आवश्यक आहे. मला वाटतं की दक्षिण आफ्रिकेने खरोखरच चांगली बॉलिंग केली”, असं म्हणत राशिदने दक्षिण आफ्रिकेच्या गोलंदाजांचं कौतुक केलं.

राशिदने या पराभवानंतर आपल्या गोलंदाजांचीही पाठ थोपटली.”मला वाटतं की या स्पर्धेत आम्हाला चांगले यश मिळाले, कारण सीमर्सनी खरोखर चांगली बॉलिंग केली. मुजीबच्या दुखापतीमुळे आम्ही दुर्दैवी ठरलो. पण आमचे सीमर्स आणि अगदी मोहम्मद नबी यानेही नव्या बॉलस उल्लेखनीय बॉलिंग केली. त्यामुळे फिरकीपटूंनी काम सोपं केलं. आम्ही या स्पर्धेचा आनंद लुटला. आम्ही उपांत्य फेरीत खेळणं आणि आफ्रिकेसारख्या आघाडीच्या टीमकडून पराभूत झालो, हे स्वीकारतो”, असं राशिदने नमूद केलं.

“आमच्यासाठी ही फक्त सुरुवात आहे, आमच्याकडे कोणत्याही बाजूने मात करण्याचा आत्मविश्वास आणि विश्वास आहे. आमच्यासाठी हा एक उत्तम शिकण्याचा अनुभव आहे. आम्हाला माहितीय की आमच्याकडे कौशल्ये आहेत, ती फक्त कठीण परिस्थिती, दबाव परिस्थिती हाताळण्याबद्दल आहे”, असं राशिदने स्पष्ट केलं.

“आम्हाला काही सुधार करावे लागतील विशेष करुन मधल्या फळीतील बॅटिंगमध्ये. आमच्यासाठी हे नेहमीच शिकत असते आणि आम्ही आतापर्यंत चांगली कामगिरी केली आहे. आम्ही अधिक कठोर मेहनत करून खास करुन बॅटिंगमध्ये कमबॅक करतो”, असं राशिदने म्हटलं.

दक्षिण आफ्रिका प्लेइंग ईलेव्हन : एडन मारक्रम(कॅप्टन), क्विंटन डी कॉक (विकेटकीपर), रीझा हेंड्रिक्स, हेनरिक क्लासेन, डेव्हिड मिलर, ट्रिस्टन स्टब्स, मार्को जान्सेन, केशव महाराज, कागिसो रबाडा, एनरिक नॉर्खिया आणि तबरेझ शम्सी.

अफगाणिस्तान प्लेइंग ईलेव्हन: राशीद खान (कर्णधार), रहमानउल्लाह गुरबाज (विकेटकीपर), इब्राहिम झद्रान, अजमतुल्ला उमरझाई, गुलबदिन नायब, मोहम्मद नबी, करीम जनात, नांगेलिया खरोटे, नूर अहमद, नवीन-उल-हक आणि फजलहक फारुकी.

Follow Us
बिनविरोध निवडीचा मान कायम! जय शाह पुन्हा सांभाळणार आयसीसीची धुरा
Jay Shah : बिनविरोध निवडीचा मान कायम! जय शाह पुन्हा सांभाळणार आयसीसीची धुरा
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई
अमिताभ बच्चन यांच्या ‘जलसा’ बंगल्याबाहेर गोळीबाराचा कट उधळला; बिश्नोई गँगशी कनेक्शन उघड
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह...
पुण्यात दिवंगत नेते अजित पवारांच्या पुतळ्याचे अनावरण; अमित शाहांसह अनेक नेत्यांची उपस्थिती!
जिल्हा बँक निवडणुकीच्या 15 पैकी 4 जागांचा निकाल जाहीर
Latur Bank Election : जिल्हा बँक निवडणुकीच्या 15 पैकी 4 जागांचा निकाल जाहीर
डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध
मोठी बातमी! डिलिमिटेशन विधेयकावर नताशा आव्हाड आक्रमक; स्वतःच्याच पक्षाच्या विरुद्ध...
मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान...
Sanjay Raut : मुंबईतील 300 हून अधिक SRA प्रकल्पांत घोटाळा? 30 हजार कोटीचा नुकसान, राऊतांच्या दाव्याने खळबळ
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजप...
अमित शहांच्या स्वागतासाठी पुण्यात शिंदेसेनेची जोरदार बॅनरबाजी; भाजपलाही टाकलं मागे!
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
आता कोकण मुंबईपासून आणखी जवळ! चिपी ते नवी मुंबई थेट विमानसेवा सुरू
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे...
मफलर मॅनचा चेहरा आज येणार समोर? रोहित पवारांच्या पत्रकार परिषदेकडे महाराष्ट्राचे लक्ष!
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!