Asia Cup 2023, IND vs PAK : पाकिस्तान विरुद्ध विराट कोहली याच्या शतकानंतर पत्नी अनुष्का शर्मा हिची खास पोस्ट, म्हणाली…
Asia Cup 2023, IND vs PAK : विराट कोहली याने पाकिस्तान विरुद्ध जबरदस्त खेळी केली. शतक ठोकत 13 हजार धावा पूर्ण केल्या आहेत. तसेच सचिन तेंडुलकर याचा विक्रमही मोडीत काढला आहे. यानंतर पत्नी अनुष्का शर्मा हीने खास स्टेटस ठेवलं आहे.
मुंबई : टीम इंडियाचा किंग विराट कोहली याने पाकिस्तान विरुद्धच्या सामन्यात इतिहास रचला आहे. आशिया कप स्पर्धेतील सुपर 4 फेरीत शतक झळकावलं. विराट कोहली याने 84 चेंडूत शतक पूर्ण केलं. या शतकी खेळीसह वनडे क्रिकेटमध्ये 13 हजार धावा पूर्ण केल्या आहेत. यासह मास्टर ब्लास्टर सचिन तेंडुलकर याचा विक्रमही मोडीत काढला आहे. विराट कोहली याचं आंतरराष्ट्रीय क्रिकेटमधील 77 वं शतक आहे. त्याचबरोबर पाकिस्तान विरोधात नाबाद 233 धावांची भागीदारी केली. विराट कोहली याने नाबाद 122 धावा केल्या. यात 9 चौकार आणि 3 षटकरांचा समावेश आहे. या जबरदस्त खेळीनंतर विराट कोहली याची पत्नी अनुष्का शर्मा हीने इंस्टाग्रामवर खास स्टेटस ठेवलं आहे.
अनुष्का शर्मा हीने काय स्टेटस ठेवलं
विराट कोहली याच्या शतकी खेळीनंतर पत्नी अनुष्का शर्मा हीने आनंद व्यक्त केला. स्टेटसला विराट कोहली यांचा शतकी खेळीनंतर फोटो ठेवत लिहिलं की, सुपर नॉक, सुपर गाय. त्याचबरोबर दुखापतीनंतर कमबॅक केलेल्या केएल राहुल याचंही कौतुक केलं आहे. केएल राहुल यानेही शतकी खेळी करत पाकिस्तानच्या गोलंदाजांना सळो की पळो करून सोडलं.
भारताचा डाव
भारत विरुद्ध पाकिस्तान यांच्यात सुरु असलेल्या सामन्यात पावसाने व्यत्यय आणल्याने राखीव दिवशी सामना खेळवला जात आहे. मात्र दुसऱ्या दिवशी पाऊस थांबला तरी विराट आणि केएल राहुलचं वादळ मैदानात घोंगावलं. तिसऱ्या गड्यासाठी दोघांनी नाबाद 233 धावांची भागीदारी केली. या खेळीसह भारताने 50 षटकात 2 गडी गमवून 356 धावा केल्या आणि विजयासाठी 357 धावांचं आव्हान दिलं.
दोन्ही संघांची प्लेइंग इलेव्हन
टीम इंडिया प्लेईंग ईलेव्हन | रोहित शर्मा (कॅप्टन), शुबमन गिल, विराट कोहली, केएल राहुल, इशान किशन (विकेटकीपर), हार्दिक पांड्या, रवींद्र जडेजा, शार्दुल ठाकुर, कुलदीप यादव, जसप्रीत बुमराह आणि मोहम्मद सिराज.
पाकिस्तान प्लेईंग ईलेव्हन | बाबर आझम (कॅप्टन), फखर जमान, इमाम-उल-हक, मोहम्मद रिझवान (विकेटकीपर), आगा सलमान, इफ्तिखार अहमद, शादाब खान, फहीम अश्रफ, शाहीन आफ्रिदी, नसीम शाह आणि हरिस रउफ.
