आम्हाला वाटलं हा डिप्रेशनमध्ये आहे; घटस्फोटानंतर युजवेंद्र चहलसोबत दिसणारी ‘मिस्ट्री गर्ल’ कोण?

Yuvi and Mistry Girl

Image Credit source: Twitter

आयसीसी चॅम्पियन्स ट्रॉफी 2025 स्पर्धेतील अंतिम सामन्यात टीम इंडिया विरुद्ध न्यूझीलंड आमनेसामने आहेत. जगभरातील क्रिकेट चाहत्यांच्या नजरा या सामन्यावर खिळल्या आहेत. दुबईतील दुबई इंटरनॅशनल स्टेडियममध्ये खेळला जाणारा हा सामना लाइव्ह पाहण्यासाठीही हजारो चाहते आले आहेत. टीम इंडियातून बाहेर असलेला फिरकीपटू युजवेंद्र चहलही पोहोचला असल्याचे दिसत आहे. तो टीम इंडियाला पाठिंबा देत असताना त्याच्यासोबत दिसणाऱ्या मिस्ट्री गर्लने सर्वांचे लक्ष वेधले आहे. तिला पाहून सोशल मीडियावर नेटकऱ्यांनी अनेक प्रश्न उपस्थित केले आहेत.

युजवेंद्र चहलला दुबईमध्ये पाहून सर्वांना आनंद झाला. त्याचे स्टेडियममधील काही फोटो सोशल मीडियावर व्हायरल झाले आहेत. या फोटोंमध्ये तो मिस्ट्री गर्लसोबत दिसत आहे. तसेच त्याला आनंदी पाहून नेटकऱ्यांनी ट्रोल करण्यास सुरुवात केली आहे.

एका यूजरने युजवेंद्रचा स्टेडीममधील मिस्ट्री गर्लसोबतचा फोटो शेअर करत, ‘आम्हाला तर वाटले होते की साहेब डिप्रेशनमध्ये गेले आहेत’ असे उपरोधकपणे म्हटले आहे.

कोण आहे मिस्ट्री गर्ल?

युजवेंद्र चहलसोबत दिसणारी मुलगी ही आरजे मैहवश आहे. यापूर्वी देखील चहलचे तिच्यासोबतचे फोटो सोशल मीडियावर व्हायरल झाले होते. पण ती चहलची केवळ मैत्रीण असल्याचे मैहवशने सांगितले होते. आता त्या दोघांना पुन्हा एकत्र पाहून त्यांच्या अफेअरच्या चर्चा रंगल्या आहेत. मात्र, याबाबत कोणतीही अधिकृत माहिती समोर आलेली नाही.

टीम इंडिया इंडिया प्लेइंग ईलेव्हन : रोहित शर्मा (कर्णधार), शुबमन गिल, विराट कोहली, श्रेयस अय्यर, अक्षर पटेल, केएल राहुल (विकेटकीपर), हार्दिक पंड्या, रवींद्र जडेजा, मोहम्मद शमी, कुलदीप यादव आणि वरुण चक्रवर्ती.

न्यूझीलंड प्लेइंग ईलेव्हन : मिचेल सँटनर (कर्णधार), विल यंग, ​​रचिन रवींद्र, केन विल्यमसन, डॅरिल मिचेल, टॉम लॅथम (विकेटकीपर), ग्लेन फिलिप्स, मायकेल ब्रेसवेल, कायल जेमिसन, विल्यम ओरुर्के आणि नॅथन स्मिथ