IPL 2023: शाहरुख खानच्या घरातील ही जबाबदार व्यक्ती जाणार लिलावाच्यावेळी, जाणून घ्या कारण

मुंबई : पुढच्या वर्षीच्या आयपीएलची (IPL 2023) आतापासून तयारी सुरु झाली आहे. आयपीएलमध्ये सहभागी होणाऱ्या दहा टीमनी ज्या खेळाडूंना कायम स्वरुपी ठेवले आहे, त्यांची यादी बीसीसीआयला (BCCI) दिली आहे. त्यामुळे ज्या खेळाडूंना टीममध्ये स्थान मिळालं नाही, अशा खेळाडूंसाठी हंगामी लिलाव होणार आहे. शाहरुख (Shah Rukh Khan) होणाऱ्या लिलावासाठी उपस्थित राहणार नसल्याने त्याने घरच्या जबाबदार व्यक्तीला ते काम दिलं आहे.

शाहरुख खान हा गेल्यावर्षी सुद्धा अधिक व्यस्त होता. त्यावेळी आयपीएलच्या लिलावात आर्यन आणि सुहाना दिसले होते. यावर्षी सुद्धा आर्यन आणि सुहाना हंगामी लिलावासाठी उपस्थित राहणार असल्याची माहिती एका वेबसाईटने दिली आहे. विशेष म्हणजे अभिनेत्री जुही चावला हीची सुद्धा मुलगी जाह्नवी मेहता उपस्थित राहणार आहे.

यावेळी लिलात अनेक चांगले खेळाडू असणार आहेत. त्यामुळे आर्यन, सुहाना, जाह्नवी यांच्याकडे सगळ्यांच्या नजरा असणार आहेत. गेल्यावर्षी सुद्धा आर्यन आणि सुहाना यांनी हे काम केलं आहे.

कोलकता नाइट राइडर्सने खेळाडूंना मुक्त केले

आरोन फिंच, अभिजीत तोमर, अजिंक्य रहाणे, अलेक्स हेल्स, अशोक शर्मा, बाबा इंद्रजीत, चमीका करुणारत्ने, मोहम्मद नबी, पेट कमिंस, प्रथम सिंह, रमेश कुमार, रसिख दार, सैम बिलिंग्स, शेल्डन जैकसन, शिवम मावी.

कोलकाता नाईट रायडर्सने खेळाडूंना कायम ठेवले

आंद्रे रसेल, अनुकुल रॉय, हर्षित राणा, लॉकी फर्ग्युसन (व्यापार), नितीश राणा, रहमानउल्ला गुरबाज (व्यापार), रिंकू सिंग, शार्दुल ठाकूर, श्रेयस अय्यर, सुनील नरेन, टीम साऊदी, उमेश यादव, वरुण चक्रवर्ती, व्यंकटेश अय्यर.