Irfan Pathan Corona : सचिन, युसूफ पाठोपाठ इरफान पठाणही कोरोना पॉझिटिव्ह!
भारतीय संघाचा माजी ऑलराऊंडर आणि युसूफचा भाऊ इरफान पठाणलाही कोरोनाने गाठलं आहे. इरफानने सोमवारी आलल्या ट्विटरवर हँडलवरुन ही माहिती दिली आहे.
मुंबई : भारतीय क्रिकेट विश्वातील दिग्गज, मास्टर ब्लास्टर भारतरत्न सचिन तेंडुलकरला कोरोनाची लागण झाली आहे. त्यानंतर माजी धडाकेबाज फलंदाज युसूफ पठाणची कोरोना चाचणीही पॉझिटिव्ह आली आहे. त्यापाठोपाठ आता भारतीय संघाचा माजी ऑलराऊंडर आणि युसूफचा भाऊ इरफान पठाणलाही कोरोनाने गाठलं आहे. इरफानने सोमवारी आलल्या ट्विटरवर हँडलवरुन ही माहिती दिली आहे. आपल्याला कोरोनाचे कुठलेही लक्षणं नाहीत. पण कोरोना चाचणी पॉझिटिव्ह आल्यामुळे आपण होम आयसोलेशनमध्ये असल्याचं इरफानने सांगितलंय.(Former India all-rounder Irfan Pathan’s corona test positive)
कोरोना चाचणी पॉझिटिव्ह आल्यानंतर इरफानने आपल्या संपर्कातील सर्वांनी कोरोना चाचणी करुन घ्यावी असं आवाहन केलं आहे. दोन दिवसांपूर्वी इरफानचा लहान भाऊ युसूफ पठाणही कोरोना पॉझिटिव्ह आढळून आला आहे. इरफान आपल्या भावासह नुकत्याच पार पडलेल्या रोड सेफ्टी वर्ल्ड टी – 20 सिरीजमध्ये खेळला होता. या सिरिजमध्ये दिग्गज भारतीय खेळाडूंचा सहभाग होता. या टीमचे कर्णधार सचिन तेंडुलकर होता. सचिनची कोरोना चाचणीही पॉझिटिव्ह आली आहे.
‘चाचणी पॉझिटिव्ह पण लक्षणे नाहीत’
इरफानने सोमवारी रात्री ट्वीट करुन आपण कोरोना पॉझिटिव्ह असल्याची माहिती दिली. “मी कोरोना पॉझिटिव्ह आलो आहे. पण मला कुठल्याही प्रकारचे लक्षणं नाहीत. स्वत:ला आयसोलेट करुन घेत मी घरातच क्वारंटाईन झालो आहे. गेल्या काही दिवसांत माझ्या संपर्कात आलेल्या लोकांना आग्रह आहे की त्यांनी आपली कोरोना चाचणी करावी”, असं आवाहन इरफानने केलं आहे.
— Irfan Pathan (@IrfanPathan) March 29, 2021
युसूफ पठाणलाही कोरोना
टीम इंडियाचा माजी खेळाडू युसूफ पठाणला कोरोनाची लागण झाली आहे. युसूफने स्वत: ट्विट करुन याबाबत माहिती दिली आहे. “माझी कोरोना चाचणी पॉझिटिव्ह आली आहे. मला सौम्य लक्षणे आढळली आहेत. त्यामुळे मी घरातच क्वारंटाईन होण्याचा निर्णय घेतला आहे. मी आवश्यक ती सर्व खबदरदारी आणि औषध घेतली आहेत. दरम्यान, माझ्या संपर्कात आलेल्यांनी लवकरात लवकर कोरोना चाचणी करुन घ्यावी, अशी मी विनंती करतो”, असं युसूफ ट्विटरवर म्हणाला आहे.
I’ve tested positive for COVID-19 today with mild symptoms. Post the confirmation, I have quarantined myself at home and taking all the necessary precautions and medication required.
I would request those who came in contact with me to get themselves tested at the earliest.
— Yusuf Pathan (@iamyusufpathan) March 27, 2021
संबंधित बातम्या :
Yusuf Pathan Corona : सचिन तेंडुलकर पाठोपाठ टीम इंडियाच्या आणखी एका धडाकेबाज माजी खेळाडूला कोरोनाची लागण
Sachin Tendulkar Corona : सचिन तेंडुलकरला कोरोनाची लागण
Former India all-rounder Irfan Pathan’s corona test positive