Yusuf Pathan Corona : सचिन तेंडुलकर पाठोपाठ टीम इंडियाच्या आणखी एका धडाकेबाज माजी खेळाडूला कोरोनाची लागण

मुंबई : टीम इंडियाचा माजी खेळाडू युसूफ पठाणला कोरोनाची लागण झाली आहे. युसूफने स्वत: ट्विट करुन याबाबत माहिती दिली आहे. विशेष म्हणजे आज दुपारी मास्टर ब्लास्टर सचिन तेंडुलकरचा कोरोना रिपोर्ट पॉझिटिव्ह आल्याची माहिती समोर आली होती. त्यानंतर रात्री साडेआठ वाजेच्या सुमारास युसूफ पठाणचा कोरोना रिपोर्ट पॉझिटिव्ह आला आहे (Yusuf Pathan tested corona positive).

युसूफ पठाण नेमकं काय म्हणाला?

“माझी कोरोना चाचणी पॉझिटिव्ह आली आहे. मला सौम्य लक्षणे आढळली आहेत. त्यामुळे मी घरातच क्वारंटाईन होण्याचा निर्णय घेतला आहे. मी आवश्यक ती सर्व खबदरदारी आणि औषध घेतली आहेत. दरम्यान, माझ्या संपर्कात आलेल्यांनी लवकरात लवकर कोरोना चाचणी करुन घ्यावी, अशी मी विनंती करतो”, असं युसूफ ट्विटरवर म्हणाला आहे (Yusuf Pathan tested corona positive).

I’ve tested positive for COVID-19 today with mild symptoms. Post the confirmation, I have quarantined myself at home and taking all the necessary precautions and medication required.

I would request those who came in contact with me to get themselves tested at the earliest.

— Yusuf Pathan (@iamyusufpathan) March 27, 2021

रोड सेफ्टी वर्ल्ड सीरिजमध्ये सहभाग

सचिन तेंडुलकर सोबत युसूफ पठाण सुद्धा नुकताच रोड सेफ्टी वर्ल्ड सीरिजमध्ये खेळला. या स्पर्धेत दोघांनी धुवांधार बॅटिंग केली. दोघांनी इंडिया लिजेंड्सला स्पर्धेतील मॅच जिंकवून देण्यात मोलाची भूमिका पार पाडली. या स्पर्धेत इंडिया लिजेंड्स संघाकडून सचिनने सर्वाधिक धावा पटकावल्या. भारतीय संघाने या स्पर्धेत विजय मिळवला. भारताने श्रीलंकेला 14 धावांनी हरवून, ट्रॉफीवर नाव कोरलं होतं.

राज्यात कोरोनाचा उद्रेक

राज्यात दररोज कोरोनाबाधितांचा आकडा वाढत आहे. राज्यात आज दिवसभरात 35 हजार 726 नव्या कोरोना रुग्णांची नोंद झाली. याशिवाय दिवसभरात तब्बल 166 रुग्णांचा कोरोनामुळे मृत्यू झाला. कोरोनाचा वाढता आकडा लक्षात घेता राज्यात कडकडीत निर्बंध लागू करण्यात आले आहेत. राज्यात रात्री 8 ते पहाटे 7 वाजेपर्यंत जमावबंदीचे आदेश देण्यात आले. तसेच नियमांचं उल्लंघन करणाऱ्याला 500 ते 1000 रुपयांचा दंड आकारण्यात येणार आहे.

संबंधित बातमी : सचिन तेंडुलकरला कोरोनाची लागण