विराट कोहलीने KLराहुलला लग्नात दिलेलं गिफ्ट काय? एम एस धोनीचाही हात मोठाच म्हणाल….
के एल राहुल आणि अथिया शेट्टी यांचा शाही विवाहसोहळ्यात फक्त 100 च्या आसपास पाहुण्यांना बोलावण्यात आलं होतं.
नवी दिल्लीः टीम इंडियाचे स्टार ओपनर केएल राहुल (K L Rahul) याचं नुकतंच लग्न झालं. सोशल मीडियावर (Social Media) या लग्नाची जोरदार चर्चा आहे. बॉलीवूड अभिनेत्री अथिया शेट्टी हिच्यासोबत के एल राहुलने (K L Rahul) लग्नगाठ बांधली. या शाही सोहळ्याचे छायाचित्र सोशल मीडियावर व्हायरल होत आहेत. के एल राहुलने या लग्नासाठी क्रिकेटमधून थोडासा ब्रेक घेतला आहे. ऑस्ट्रेलियाविरुद्धच्या टेस्ट सीरीजमध्ये के एल राहुल पुन्हा एकदा मैदानावर उतरणार आहे.
या लग्नानिमित्त के एल राहुलच्या मित्रांकडून डोळे दिपवणारे गिफ्ट मिळाले आहेत. यात कोट्यवधी रुपये किंमतीची कारदेखील आहे. माध्यमांतील वृत्तानुसार, विराट कोहलीने के एल राहुलला एक BMW कार गिफ्ट दिली आहे.
माध्यमांतील दाव्यानुसार, के एल राहुलला विराट कोहलीने जी BMW कार गिफ्ट दिली आहे. तिची किंमत २.१७ कोटी रुपये एवढी सांगण्यात येतेय. तर महेंद्र सिंग धोनीनेही के एल राहुलला एक बाइक गिफ्ट केली आहे.
एम एस धोनीने दिलेल्या बाईकची किंमत जवळपास ८० लाख रुपये असल्याचं सांगण्यात येतंय. महेंद्र सिंग धोनीला बाइकचं खूप आकर्षण आहे. त्यामुळे मित्र के एल राहुलच्या लग्नात त्याने Kawasaki Ninja बाइक गिफ्ट दिली आहे.
View this post on Instagram
के एल राहुलने सध्या लग्नासाठी क्रिकेट स्पर्धांमधून ब्रेक घेतला आहे. न्यूझीलंडविरोधात वन डे आणि टी-२० सीरीजमध्ये त्याने सहभाग घेतला नाही.
के एल राहुल आणि अथिया शेट्टी यांचा शाही विवाहसोहळ्यात फक्त 100 च्या आसपास पाहुण्यांना बोलावण्यात आलं होतं.
यात काही प्रमुख क्रिकेट पटूंचा समावेश होता. महेंद्र सिंह धोनी, वरुण एरॉन, ईशांत शर्मा आदींचा समावेश होता. आयपीएलनंतर के एल राहुल एक जंगी रिसेप्शन देणार असल्याचं सांगण्यात येतंय. यात सगळ्याच क्रिकेटर्सचा आमंत्रण देण्यात येणार आहे. सध्या तरी इतर खेळाडूंनी के एल राहुल आणि अथिया शेट्टीच्या जोडीला सोशल मीडियाद्वारेच शुभेच्छा दिल्या आहेत.
