विराट नाही तर मला कर्णधार बनवणार होते पण ऐनवेळी… पार्थिव पटेलचा खळबळजनक खुलासा, काय घडलं?

माजी भारतीय क्रिकेटपटू आणि रॉयल चॅलेंजर्स बंगळूर संघाचा खेळाडू पार्थिव पटेलने एक गोष्ट बोलून दाखवली आहे. ही गोष्ट विराट कोहली आणि आरसीबीशी निगडीत आहे. पार्थिव पटेल यांच्या विधानाने मात्र एकच खळबळ उडाली आहे. पार्थिव पटेलने विराट कोहलीला आरसीबीचा कर्णधार बनवणार नव्हते असा मोठा खुलासा केला आहे.

माजी क्रिकेटपटू आकाश चोप्रासोबतच्या एका पॉडकास्टमध्ये पार्थिव पटेलने खुलासा केला की, “आशिष नेहरा आणि गॅरी कर्स्टन यांनी मला सांगितले होते की मी विराटची जागा कर्णधार म्हणून घेईल.” नेहरा २०१८ आणि २०१९ मध्ये आरसीबीचे गोलंदाजी प्रशिक्षक होते, तर गॅरी कर्स्टन मुख्य प्रशिक्षक होते. २०१९ च्या हंगामात आरसीबी गुणतालिकेत तळाशी राहिली आणि परिणामी, त्या दोघांनाही त्यांच्या पदावरून हटवण्यात आले. २०२० च्या हंगामासाठी माईक हेसन आणि सायमन कॅटिच यांनी पदभार स्वीकारला आणि सर्व काही बदलले. पार्थिव यांच्या खुलासानंतर अनेकांच्या भुवया उंचावल्या आहेत.

पार्थिवने खुलासा केला की, ठकर्णधारपदाच्या शर्यतीत मोईन अलीदेखील होता, मी याबद्दल कधीच बोललो नाही, मला सांगण्यात आले होते, ‘तयार रहा, पुढच्या वर्षी तू कर्णधार होणार आहे. पण पुढच्या वर्षी, आशिष नेहरा आणि गॅरी कर्स्टन यांना प्रशिक्षक म्हणून संघ सोडावा लागला.  नवीन प्रशिक्षक आले आणि मला त्या संपूर्ण हंगामात एकही सामना खेळायला मिळाला नाही.”

पार्थिव पटेलला २०२० मध्ये एकही सामना खेळायला मिळाला नाही. एबी डिव्हिलियर्सने यष्टीरक्षकाची जबाबदारीही स्वीकारली, तर संघात देवदत्त पडिक्कलची एन्ट्री झाली. ही चाल आरसीबीसाठी यशस्वी ठरली आणि संघ २०१६ नंतर प्रथमच प्लेऑफसाठी पात्र ठरला. दरम्यान, पार्थिव पटेलने २०२० च्या हंगामानंतर निवृत्ती जाहीर केली. विराटकडे संघाचे नेतृत्त्व हे २०२१ मध्ये सोडले. यानंतर फाफ डुप्लेसीने नेतृत्त्व केले. यानंतर आता संघाचा कर्णधार हा रजत पाटीदार आहे. रजतकडे संघाची धुरा येताच त्याने दोन्ही वर्षी संघाला चॅम्पियन बनवले.