IND vs NZ: गिलला अतिशहाणपणा नडला, पंतने सांगितलं DRS घे पण तरीही ऐकलं नाही अन् पुढे…पाहा Video

IND vs NZ 1st Test: भारत आणि न्यूझीलंड यांच्यात सुरु असलेल्या पहिल्या कसोटी सामन्यात कर्णधार शुभमन गिलचा अतिशहाणपणा पाहायला मिळाला.

IND vs NZ: गिलला अतिशहाणपणा नडला, पंतने सांगितलं DRS घे पण तरीही ऐकलं नाही अन् पुढे...पाहा Video
| Updated on: Nov 19, 2026 | 8:31 AM

IND vs NZ 1st Test Match: वेलिंग्टनमधील बेसिन रिझर्व्ह येथे भारत आणि न्यूझीलंड यांच्यातील पहिल्या कसोटी सामन्यात, भारतीय वेगवान गोलंदाजांनी दमदार सुरुवात करत यजमानांना सुरुवातीलाच धक्के दिले. नाणेफेक जिंकून प्रथम गोलंदाजी करण्याचा निर्णय घेतल्यानंतर, भारताला पहिल्याच षटकात पहिले यश मिळाले, जेव्हा जसप्रीत बुमराहने न्यूझीलंडचा कर्णधार टॉम लॅथमला शून्यावर क्लीन बोल्ड केले. त्यानंतर पुनरागमन करणाऱ्या युवा वेगवान गोलंदाज अंशुल कंबोजने आपल्या अचूक टप्पा आणि टप्प्याने कहर केला आणि दुसरा सलामीवीर फलंदाज डेव्हन कॉनवेला यष्टीरक्षक ऋषभ पंतकरवी केवळ ४ धावांवर झेलबाद करून भारताला दुसरे मोठे यश मिळवून दिले.

सुरुवातीच्या दोन धक्क्यांनंतर, भारतीय संघाला न्यूझीलंडला पूर्णपणे बॅकफूटवर ढकलून तिसरी विकेट घेण्याची सुवर्णसंधी मिळाली होती, परंतु डीआरएसचा एक चुकीचा निर्णय त्यांना महागात पडला. ११ व्या षटकाच्या पाचव्या चेंडूवर, अंशुल कंबोजने ऑफ-स्टंपच्या बाहेर चांगल्या लांबीचा चेंडू टाकला, जो रचिन रवींद्रच्या बॅटची बाहेरील कड घेऊन यष्टीमागे गेला.

Loading...

भारतीय खेळाडूंनी झेलसाठी जोरदार अपील केले आणि स्टंप माइकवर ऋषभ पंतचा आवाज ऐकू आला की, अरे हा बाद आहे. पंचांनी त्याला नाबाद घोषित केल्यानंतर, कर्णधार शुभमन गिल आणि संघाने रिव्ह्यू न घेण्याचा निर्णय घेतला. भारताचा हा निर्णय महागात पडला, कारण नंतर अल्ट्राएज रिप्लेमध्ये स्पष्टपणे दिसले की चेंडू रचिन रवींद्रच्या बॅटची बाहेरील कड घेऊन गेला होता. जर भारतीय संघाने त्यावेळी रिव्ह्यू घेतला असता, तर रचिन रवींद्र बाद झाला असता आणि भारताला तिसरे मोठे यश मिळाले असते.

मात्र, रचिन रवींद्रला मिळालेल्या या संधीचा फार काळ फायदा घेता आला नाही, कारण वेगवान गोलंदाज आकाश दीपने त्याला यष्टीमागे ऋषभ पंतकरवी झेलबाद केले आणि भारताला तिसरे यश मिळवून दिले. रवींद्रने ५० चेंडूंमध्ये दोन चौकारांच्या मदतीने १५ धावा केल्या. जर गिलने पंतचे तेव्हाच ऐकले असते तर त्याला इतक्या धावा करण्यातही यश मिळाले नसते.

Loading...
Unable to load recommendations.
Follow Us